بالصور ديسير تيراميسو بالفريز…سهل و سريع للفطور

نقترح عليك طريقة تحضير تيراميسو بالفريز روعة

المقادير:

3 بيضات مفصول الأبيض عن الأصفر
250g جبنة الماسكاربون الخاصة بالتيراميسو
80g سكر
2 أكياس من الفاني
علبة بسكويت الأصابع “biscuit à la cuillère”
كأس حليب
2 معلق كبار بودرة الكاكاو
100g فريز

الطريقة

نفصل ابيض البيض عن الأصفر نعمل الأبيض في الضراب حتى يصبح مثل الثلج ونخلط أصفر البيض مع السكر والفاني حتى يصبح اللون فاتح نضيف الماسكاربون ونخلط جيدا نضيف أبيض البيض ونحرك بملعقة من الأسفل إلي الأعلى غي بشوية حتى ما يبقاش يبان ابيض البيض غادي نحصل على موس كثيفة نتركها في التلاجة حتى نحضر باقي العناصر باش نعمل المونتاج
نسخن الحليب شوية نضيف إليه الشكلاط بودرة ونعمل اطراف البسكويت في الحليب ونعمله داخل الكؤوس نعمل طبقة من الكريم وفوقها نعمل الفريز مقطع طريفات صغار ونغطي بطبقة أخرى من الكريم وندخلهم التلاجة
أنا حضرت كولي الفريز طحنت حبات من الفريز وعملت معاه ملعقة كبيرة من الياغورت ديال الفريز وعملتو فوق الكريم وزينت بحبيبات الشكلاط الأبيض هاد إختياري ممكن نزين بقطع الفريز نرجع التيراميسو إلى التلاجة مدة 4 ساعات ويقدم بارد