باش يجيك البغرير خفييييف ومتقب بحال الشهد عليك بهاد الطريقة

جبت ليكم حبيباتي طريقتي الخاصة فتحضير بغرير كيجي منقولكش خفيف ومتقب والمذاق غزااال لا يقاوم

للاشارة انا كنعملو بدقيق القمح الحرش اي الفينو.

وهادي هي المقادير.

500 غرام دقيق القمح الفينو

100 غرام دقيق الفورص

1 بيضة.2 خميرة الحلوى.معلقة صغيرة خميرة الخبز.

ملح . ماء دافء.

كنخلط المقادير ونطحنو كيف العادة فالميكسور ونخليه يخمر غير شويا ماشي حتى يفيض تم نطيبو فمقلاة تيفال.

خاص العجينة تكون خفيفة ما تكونش خاترة بزاف.

وما تطيبيهش حتى يحمار من الاسفل خاصو يبقى ابيض.

جربوه راه كيجي خفيف وزوين بالفينو احسن من السميدة وكيجي تبارك الله متقب بحال الشهد.