باش تهرمشي كاوكاو وجيك مهرس بنفس الحجم عليك بهاذ الطريقة

السلام عليكم ورحمة الله وبركاتة

جبت ليكم واحد الفكرة نتمنى تكون جديدة و مفيدة ليكم عزيزاتي

ياك مني كنهرمشو كاوكاو كيولي لينا كاع مدقوق و شي كبير شي بحال البودرة كاع

ومكيجيش فالحلوة مزيان وخصوصا يلا كنتي غادية تزيني به الحلوى

أما يلا درناه  في مولينكس هديك هي المصيبة عولي عليه يجيك نصو بودرة أو معجن

ايوا ختكم كتاشفت واحد اللعيبة غير بالصدفة وعجباتني بزاف وقلت نجي نشاركها معاكم

و هي طريقة ساهلة ماهلة مغتعدبك ما والو

بلا منزيد نطول عليكم حبيباتي نخليكم مع الطريقة

اوا الالاتي خديت كاوكاو ودرتو في بلاستيكة قاصحة شوي و دقدقتو بي ليد ديال المهراز

و خرج لي غزال الكل مهرس بنفس الحجم و مشي شي مهرس شي مدقوق كاع

ايوا كيف جاتكم هاد الفكرة نتمنى تعجبكم حبيباتي