طريقتي فتعطير داري بروح سانيكروا كتبقا ريحة النقاوة طول اليوم

عرفتو جبت ليكم اليوم واحد السر ديال الريحة و النقاوة لي في داري
اليوم يا الغزالات جيت نقوليكم واحد السر و لكن خليوه بيناتنا ،راه الى سمعتها عند شي حد نعرفكم نتوما لي قلتوها و نجي ليكم نتفكم وحدة وحدة هههه.
ايوا لي دخل لعندي لدار تيبدا يشم و تيقولي بغيت غير نعرف اشنو هاد المعطر الزين لي دايرا في دارك و تيبقى ليك مدة طويلة،واحد لوستي عندي دابا في الدار غير تدور وتقلب و تنقوليها مالك تتقوليا غير تنقلب على المعطر باش نشوف سميتو ههه،و تنقوليها هداك راه سر و تنقلبها ضحك واقيلا لا طولت مديوش عليا راه عزيز عليا الهدرة و اجموع هه ايوا اجي نقوليكم نتوما سميت المعطر هو روح ديال ساني كروة اه الروح ديال ساني كروة،اوا يا الغزلات تنشري الروح ب 13 درهم،كل مرة اش تناخد و لكن الاكترية تناخد ديال الخزامة و ديال الريف دور،ايوا عندي واحد،الفوطة مبقيتش بغيتها قطعت منها طريف صغير وواحد خليتو كبير،بلاتي هاني غنقول ليكم علاش،مني تنسيق الدار عادي،تنشد داك الطريف الصغير تنفزكو بالماء و نعصرو ونكب فيه الروح ديال ساني كروة ونمسح الزليج ديال الدار ،و نكب تاني شويا و نمسح حتى تنسالي الحيوط كاملين،و نشد داك الطرف الكبير ديال الفوطة و نفزكو و نعصرو ونرشو مزيان بالروح ديال ساني كروة،و ندوزو بحال الجفاف على الارض كاملة،وهاهيا الريحة غزاااااااااااااااااالة وتتبقى 48 ساعة عاطية.
ومن بعد مني تنسلي المسيح و الجفان،تناخد واحد القرعة عندي ديال الريحة خاويا هادوك القراعي ديال الروايح 20 درهم ،تنحلها و نكب فيها الروح و نزيد شويا ديال الماء و نبدا نرش فيالدار ونرش الورد ديال البلاستيكو نرش البيبان
و الحيوط والبيوت.
ايوا ندوزو للقالب الاخر الى جلستي عندي في الصالونات و لا الفطويات تتشمي واحد الريحة غزالة فيهم
اجي نقولك السر ،شادة واحد الطروفة ديال التوب ديال القطن وشديت واحد الريحة الريحة ديالي طلعت ليا في الراس و فزكتهم مزيااااااااااان بالريحة حتى ولاو تيقطروراه غير طروفة صغيييورين عنداكم تديروهم كبار تساليو فيهم القرعة ديال الريحة ،ايوا مني تفزكوهم ريحة طويهم و خشي كل طريف فشي قنت في الصالون بين السداري و العود.ولا شي قنيت من اختيارك و ها الريحة الغزالة في البيت ايوا اجيو نقوليكم واحد السر اخر للطاوليت حشاكم مني خوات ليا القريعة ديال فازلين شديتها و كبيت فيها فيري و زدت معاه هاد الروح ديال ساني كروةو سديتها مزيان
و تقبتها بالزلاك كلها ولات تقابي و لحتها في لشاص ديال الطواليت و لي دخل و خوا الماء تتخرج ليه الرغوة و ريحة ياا سلاااااااااااام،ايوا كيف جاتكم هاد الافكار تنتمنى تعجبكمم.
الزربيات ديال الصالونات مني تنبغي نشطبها تنرش فيها الملح،ونمشي نقدي حوايج اخرين عاد تنرجع ليها نشطبها تتخرج غزاااااااالة و نقية،وحاجة اخرى المنطات ديالي تنصبنهم بشامبوان ديال دراهم لي تيتباع في الكرارص تيخرجهم نقييييين و تتبقى فيهم الريحة هباااااااال.