اليوم ختاريت موضوع النظافة الشخصية …يلاه بنات شمرو على كتافكم وديرو حملة النظافة الشخصية طيلة أيام الاسبوع
اليوم ختاريت موضوع النظافة الشخصية …يلاه بنات شمرو على كتافكم وديرو حملة النظافة الشخصية طيلة أيام الاسبوع
منقول من صفحة Grain de beauté
يقدر فالأول تعياو وتقولو صافي عيينا ولكن غير الولف غير تولفو هاد النظام والله حتى ماتقدروش دوزو نهار بلا روتين النظافة ديالكم إذن على بركة الله
الوجه : الوجه ألبنات خاصو يتنظف زوج مرات فالنهار فاش يالله نفيقو وملي تانبغيو نعسو، فاش يالله تانفيقو كانديرو بونجة ديال لوجه راه كاتباع عند مول لماكياج رطبة هي على الوجه كادير تقريبا 10 دراهم اولى 15 لمهم كاتفزقوها وديرو لغاسول ديال لوجه من اختياركم ولي موالم لوجه ديالكم باش كاتخلصوا من الدهون لي كايفرز الوجه طيلة الليل، وبالليل قبل مانتعسوا ضرووووووري باش تحيدو لبقايا ديال لماكياج وتحيدو أيضا الترسبات ديال النهار حينت نهار كامل لوجه تايعرق وينشف وأيضا التلوث دخان ديال السيارات … إذن هادي متافقين عليها لوجه زوج مرات مرة فالصباح ومرة فالليل.
الإبطين: حتى هوما فالصباح قبل ماديرو مزيل العرق ضروري ديروها ونتوما نقيات، وفالليل فاش دخلو وتقرب وقيتة ديال النعاس ياإما طرفو حالتكم وهادي راه بشكل يومي ويا إما ديرو شي مقريج ديال لما يطيب وعمرو سطل ودخلو لدوش وديرو غير الصابون للجسم ديالكم ومسحو بالفوطة مزيان وحتى الإبطين حكو مزيان بالخرقة ديال الصابون حينت كايعرقو وكايشدو لوسخ وملي تبغيو تنعسو ماديروش مزيل لعرق حينت مامزيانش ديروه فالليل.
الفم : هادا راه كايشكل نقطة مهمة غسيل الاسنان ثلاث مرات يوميا ونزيدكم فصاك لي كاتهزو ضروري تكون عندكم شيتة ديال سنان إضافية ومعجون الأسنان صغير باش إيلا خرجتو وجلستو فشي بلاصة وكليتو تحكو سنانكم (خصووووصا غيلا شربتو قهوة أولا عصير الليمون)، لبنات لي كايعانيو من رائحة الفم يكفي تمضعي لعواد ديال الربيع (قزبور أو معدنوس) رآآئع لرائحة الفم مضغوه فالصباح وفالليل.
الأذنين : نظفوهم بالعواد ديال لقطن مرة فالأسبوع ملي تدوشو مسحو مزيان وماتفوتوش مرة فالأسبوع فقط.
الجسم : كيف قلنا ضروري طرفي حالتك قبل ماتعنسي اولا دوشي غير للجسم باش تخلصي من العرق وحتى من الاوساخ لي كايتعرض ليها لجسم طيلة اليوم
المنطقة الحساسة : الملابس الداخلية؛ خاصها تكون ديال الثوب والقطن وبعدو على النيلو لاحقاش النيلو غير تايكحل وتايشد الرائحة ، ديرو جيل لتنظيف المنطقة الحساسة وغسلو مرة وحدة او مرتين في السبوع يمكن ليكم تعوضوه؛ غييير صابون ديال الحجرة أو منقوع الخزامة وغسلو وديرو شي فوطة تكون رطبة ومسحو ديك البلاصة مزيان وماتخلوش فيها قطرة ديال الما
الرجلين : دابا غانمشيو لرجلين فمقال سابق كنت دويت ليكم على كيفاش نديرو لبديكور رجلينا ديك الطريقة ديروها مرة أو مرتين أسبوعيا ولغسيل ديال الرجلين خاصو يكون يوميا بالماء دافي وصابون معطر ونمسحو مزيان ونديرو شي كريم مرطب قبل مانعسو حينت الرجلين كووولنا كانغفلو عليهم إذن من ليوم ألبان غسلوهم مزيان ومسحو ورطبوهم.
اليدين : ظفارنا خاصهم يكون مبرودين مزيان مقادين ونقيين داك الزغب رقيق لي تيكون فصباعنا ضروري نحيدوه باش تبان ليد نقية ضروري نحيدو داك الزغب رقيق لي يديها كحلين ليها بالشمس دير زيت الليمون ديال لاماركRacine vita غادين تلقاوها فلي بارافارماصي رآآئعة ديروها قبل ماتنعسو وفالصباح فاش تفيقو غسلو عادي بالصابون مع الوقت غايبان ليكم لفرق ليدين غايوليو رطبين وبيضين.
هاكا غانكون ساليت لمقال ديال هاد الأسبوع كانتمنى أنني نكون فدتكم واخا غير شوووووووييييكوكا