اليوم اكتشفت السر:كوماج عجييب خرجلي الرؤوس السوداء فالحين و المسامات تسدو

الرؤوس السوداء من المشاكل لي كتعاني منها العديد من النساء و مكيلقاوش حل جذري بفعل العملية الخاطئة لتنظيف الوجه و عدم الانتظام على عملية التنظيف و التقشير لذلك جبت ليكم تجربتي السريعة و اللي عطاتني نتيجة فوورية من أول استعمال:

درت  للرؤوس السوداء واحد المقشر فيه بيكاربونات شوية ما ورد شوية كولكاط المهم درت فمطقة الانف والذقن والجبهة وبقيت نفرك بفرشاة براون ديال الوجه او ممكن استعمال شيتة الاسنان المهم بقيت نفرك واحد المدة وغسلت وجهي بالما دافي عاد بارد اوا وبانو ليا ليبوان كيطلو نضت نضغط وهوما يخرجو خلعوني صراحة دوك المسامات كانو كامل مفتوحين اوا وصافي درت الخرطال لوجهي كنت مرقداه مع الما شطفت وجهي بالما ودوزت قطنة فيها ما ورد باش يتسدو المسامات

هاد الوصفة عادي صيفتاتها ليا صاحبتي فالفيديو ديال اكرام هي فالفيديو مخرجاتش ليبوان انا صراحة ملي شفتهم ساهلين يخرجو كلاوني يديا معرفت واش هاد الطريقة اللي درت غلط المهم المرة الجاية نحاول نخرج ليبوان غير مليون ندير حمام بخار ان شاء الله