الى كل متزوجة تهمل مظهرها في بيتها…أجي نعطيك النصائح لي جربت و نفعاتني

عندي ليكم بعض النصائح الى قبلتو عليا كلنا كنعرفو ان الاهتمام بالمضهر شيئ مهم للزوج متل حاجتو لبيت نضيف و هادئ و اكل شهي فهو محتاج يشوف زوجتو بابها طلة هاد الشي كيوطد العلاقة وكيخليك حتى نتي واتقة فراسك و حاسة بالأ نوثة ديالك
والا لاحضتو ان حتى المرءاة مني كتكون هاملة نفسها كتحسي بتقتك فنفسك مزعزعة اوكي نبداو على بركة الله .اول شي اختي هو الالتزام بالصلاة لانها نور للوجه و سعة للصدر و بركة و الصلاة تلزمنا الوضوء و الاغتسال وهدا يعني ان ك دائما نضيفة حاولي تستغلي دائما الوضوء والاغتسال للاعتناء براسك متلا تنضيف الاماكن الحساسة بمستحضر خاص تغسلي وجهك بالصابون المناسب و دهني شعرك و تمشطيه
ونصيحتي حاولي تلتزمي باخد حمام سريع فالصباح هادا غيسهل عليك الامور و اهتمي براسك و دلعي كل مكان فجسمك بمستحضر او وصفة خاصة به صابون شامبو كريم حمام زيت وهاد الشي راه فيه الرخيص و الغالي خودي اللي قدرتي عليه واهتمي بابسط التفاصيل يعني كوني نضيفة و ريحتك طيبة و رطبي جسمك راه هادشي هو المهم اكتر من كترة الصبايغ
3.حاولي تخلصي من اي ملابس قديمة او ماعندهاش شكل جمالي يعني اي حاجة واسعة وباهتة او مشركة تخلصي منها و فينما تمشي تقداي خودي ملابس زويونة وزاهية و جديدة عليك باش تغيري الستايل واهتمي بالملابس الداخلية و قمصان النوم ضرووووووووووووووووورية
وفاش تفيقي و تاخدي دوش لبسي بيجامتك اللي ممكن تشقاي فيها او ديري لباس خاص للشقا بحال اللباس ديال الخدامات ان هاد الفكرة كتعجبني ومني تكملي شقاك رجعي لبسي بيجامتك و فاش تجي تنعسي ويااااك تنعسي باللباس اللي ضليتي فيه بدلي ولبسي قميص نوم خفيف و تعطري المهم باش الزوج يحس انك مهتمة براسك وان شي حاجة جديدة عليه
و بالنسبة للشعر ماشي ضروري الصالون وانا عارفة ان مع الوضوء يعني السوشوار ماغادبيش ينفع و لكن بالمقابل كينين بزاف الحلول اولا تعرفي على طبيعة شعرك و خودي مستحضرات خاصة بيه و غنتكلم خاصة على صاحبات الشعر الجاف لانهم هما اللي كيعانيو هاد الشعر كيناسبها الوضوء او الاستحمام كل يوم علاش حيت الشعر خصو دائما يكون مرطب الحل انك مني دوشي متغسليهش بالشامبو البلسم وحدو يكفي و خلي الشامبو مرة فالاسبوع مني تغسلي شعرك ديريليه حمام زيت او ماسك و مباشرة مني تخرجي استعملي كريم معتمد او دهنة ديال الكوك و بعععععدي على الجيل دهني شعرك و بوكليه بايديك مزياااان و لراكم عارفين الطريقة واللي ماعارفاش تقلب فالغوغل و اليوتيوب الحلول كتيرة او اللي ما بغاتش تبوكلو غير دهنو و تضفر شعرها راه هاد القضية ولات مووووضة بزاف وانا هي اللي كنعتمدها فالدار و كتعطي مضهر زوين مع المقيبطات وشي طوانق المهم راكم ادرى
و.استخدمي ماكياج خفيييف و طبيعي فالبيت ما تعدايش كلوص و حمرة خفيفة و كحل و بودرة الوجنتين وجربي و رضي عليا الخبار غتولي تايقة فراسك بزاف
واما بالنسبة لتصايب الشعر انا كنقترح يكون فوقت الدورة باش منها تجددي شوية و متغسليش شعرك ممكن حلولي ماتعجبكومش لكن ان جبت حلول واقعية حيت مكنحملش نبقا كل نهار نماكي و نصبغ و نصايب شعري هاد شي غير كيهلك الشعر و البشرة
بالنسبة للماكياج الاوفر و اللبس المتير و تصايب الشعر ان ضد ان المراه دير هاد شي غير فالعرس لا ممكن تختاري يوم فالشهر و عاد المناسبات مع راجلك تمشي فيها الصالون وتصبغي ضفارك وتماكي مزيان و تلبسي شي كسيوة وااااعرة و تستقبلي فيهم راجلك او ديري عشيوة خفيفة معاه المهم نتوما عارفين اكتر مني فهاد الشي

منقووول