الوصفة لي معتمداها فحمامي كتخرج الوسخ القديم وتوحد اللون…من نهار جربتها ما بقيتش كانستغنى عليها

اختارت مجلة يالالة ان تقدم لكم هذه الوصفة الرائعة لتوحيد لون الجسم..تبيض وتصفي للاخت زوجة نفيس

هاد الوصفة معتامداها دائما فحمامي من نهار جربتها ما بقيتش نقدر نستغنى عليها ولاحظت الفرق بزاف فجسمي اللي اصبح صافي اكثر وبياض بشكل ملحوظ ونتمنى انكم تجربوها كناكد ليكم انها غادي تعجبكم وتولي معتمدة عندكم.

-الحناء:القدر لي يكفيك لجسمك

-الصابون البلدي

-ملعقة صغيرة خرقوم بلدي

-عصير حامضة

طريقة تحضير الوصفة:

نخلط جميع المكونات مع بعض حتى تتجانس مع اضافة الماء الساخن للحصول على خليط سائل نوعا ما،بالنسبة للبنات اللي ماكايبغيوش الحناء تصبغ ليهم فيديهم او الاظافر،يستحسن يلبسو قفازات،بالنسبة للجسم ماتخافوش ماكاتبقاش الحنة صابغة فيه ملي كانشلل من الحنة ،كانعاود ندير صابون البلدي ومللي تشللو غادي تلاحظو لون الحنة كايمشي مع ماء التشلال ،عنداكم تخلعو من الوسخ اللي غادي يخرج ليكم وكانكم عمركم ما مشيتو للحمام،واللي عندها شي حبيبات فالظهر او ليتراس غادي ناكد ليها انو غادي تهنى منهم ومافيها باس مرة فالشهر ضيفو للخلطة الداد مطحون غير شوية حيت الداد مسموم وماخاصناش نستعملوه كل اسبوع.