الوصفة لي كندير لتطويل الرموش و تنقية العينين حصريا لزائراتي العزيزات

بالنسبة لتطويل الرموش غدي نعطيك وصفة هائلة جربيها ودعي معايا
خذي بصيلة حمرا صغيورة و غرسي فيها المرود لي تتكحلي بيه
و من بعد دوزيه فعينيك ، 3 مرات فكل عين
بصراحة عدي تحرقك شوية وتبكيك، بحال ملي كنقطعو البصلة بزاف
وخصوصا ايلا كانوا عينيك عيانين أو تياكلوك ، ولكن بعد 2 دقايق تقريبا
ما عدي يبقا لا حريق لا والو وعدي يوليو عينيك صافيين ما شاء الله
ديريها يوميا و تشوفي ، عدي تولي بحال مركبة أهداب اصطناعية
و أكثر من هذا كتنقي العين و تغسلها لأن البصل مطهر قوي و مضاد للإلتهاب سبحان الله
واحد السيدة كان عندك اجتفاف فالعين ، يعني معندهاش الدموع نهائيا وملي دارت هاد الوصفة
رطابو ليها عينيها و شكراتها بزاف .

إيوا جربوا يا أنيقات وردوا لي الخبار
ولكن كيف قلت ليكم راها كتحرق شوية ، عنداك تدعيو فيا
وحاجة أخرى مهمة ، البصلة راها دغيا تتأكسد ، يعني تستعملو حبة وحدة جديدة فكل مرة

amal06

قد يعجبك ايضا
اترك تعليقا