الوصفة لي كانت كديرلي الوالدة لحب الشباب لي كان يجيني فوقت الامتحانات و الضغط…..سر من أسراري
في ايام الشباب ملي كنت مازال في الكلية و في وقت الامتحانات مع السهير وكثرة التركيز كان ديمة يخرج لي حبوب في وجهي وحبوب رقيق وكثير من البعد ما يبانش ولي قرب مني يقول لي مال وجهك / كانت الوالدة الله يخليها ليا كتجيب الخص وخصوصا البلدي وتغسلو مزيان مع قطيرات الحامض ماشي الخل وتعاود تشلو مزيان وتقطعو غير بايديها حيت علماتني كل الورقيات ما نستعملش ليهم الموس وزيدي عليه الماء وغليه غير شوية فقط وخليه يدفى وصفيه وبقاي تمسحي به وجهك وخليه حتى ينشف ومسحيه بمنقوع البابوبج بشوية القطن وما تغسليش وجهك حتى للصباح / عملي الوصفة يوميا حتى يحيد الحبوب / وبعض المرات كانت تعمل لي ورق الكرمب مكان الخص ولكن البابونج ضروري حيت مطهر…وراه فكرتيني فيه غنديرو لبنتي حيت بدا فيها حبوب رقيق ديال سن المراهقة. واقيلا كثرت عليك الهضرة وعاودت ليك قصة حياتي ههههه.
ملي تبداي الوصفة تجنبي الماكياج وكريمات التجميل.