الوصفة الطبيعية لي جربت انا و مرات خويا…عطاتلينا بياض لا مثيل له و حيدات البقع بالكامل

السلام عليكم ورحمة الله و بركاته نحكي ليكم القصة ديالي لبارح بحال الخرافة و انا جالسة انا و مرات خويا مالقينا مانديروا قولت ليها اجي نجربوا واحد الوصفة شفتها فواحد المنتدى وافقاتني الرأي ايوا توكلنا على الله و جبت المكونات التالية:
اولا- ثلاث قشر موز
ثانيا- 1 بطاطس صغيرة مسلوقة بالقشرة
ثالثا- نصف ليمونة (الحامض بالدارجة)
رابعا- كاس صغير حليب
من بعد ما جبنا كل المكونات كانحطوهوم كلهم في الخلاط الكهربائي طحنوهم مزيـــــــــــــــــــــــان حتى تحصلوا على كريم لونه بني غامق شئ طبيعي لان الموز لونه يتغير بسرعة و الكمية هادي ممكن تكفيك لاسبوع.
بشرط تحطيها في علبة بلاستيك او زجاج و محكمة الاغلاق و نوضعوها في الثلاجة.
المهم بعد ماعرفنا المكونات ندوزو للتطبيق:
ناخدوا قليل من الكريم نضعه على الوجه ونقوم بعملية التدليك لمده 5 دقائق وبعد ذالك نضع نفس الخليط على الوجه جيدا و نتركه لمده 20 دقيقة و يغسل الوجه بالماء و شوفوا النتيجة و تكرر العلمية كل يوم حسب الرغبة انا افضل ان اضع الماسك بالليل و سمعت ان هذه الوصفة ممكن وضعها على اليدين و اي منطقة في الجسم.
معلومة : اللي عندها حساسية من الليمون (الحامض) لاتستعمله في الخلطة طولت عليكم لكن هذه الوصفة تستحق ذالك لانها كتصفي الوجه وتزيل اتار الحبوب والنمش بشكل كبير وتعطي الوجه صفاء ونضارة لامتيل لها وتزيل البقع البنية يلا دمتم سالمين ،لي مبغاتش الحامض تعوضو بزيت اللوز