وصفة الزبدة وبودرة الموز التي جربتها و اعتمدتها لترطيب شعر بناتي الجاااف

1) خدي نص كاس جنجلان + نص كاس زريعة الكتان ودفيهم غير شوية وطحنيهم وخليهم جانبا
خدي 2 كسان زيت نوار الشمس او ويلور + قشرة بنانة + قشرة افوكا وخليهم فوق نار مهيلة لفترة عاد زوليهم من فوق النار وعمليهم في قرعة وسدي عليهم ليلة كاملة / في الغد زولي قشرة البنان وقشرة الافوكا ودفي الزيت وزيدي في الزيت الجنجلان وزريعة الكتان المطحونين وسدي القرعة وخليها ترقاد 7 ايام مع رجها يوميا وملي تبغي تمشي للحمام شققي شعرك بهدا الزيت مزيان وملي ترجعي دهني شعرك بالزيت المصفى في الاعلى راه رائع للشعر الجاف وانا شخصيا معتامداه مع بناتي.

2) خدي الزبدة الرومية بحرارة المطبخ + بودرة قشور الموز يابسين + الزعتر + زيت العود وخلطي مزيان حتى تحصلي على بوماد وعملي الماسك على شعرك ساعتين قبل الحمام + بوني + فوطة ساخنة عاد غسليه / مرة في الاسبوع.

3) خدي الصبار اي الدركة ونقيه من الشوك وخدي اللب فقط وطحنيه + اصفر بيضة بلدية + 2 م ك زبدة رومية او بلدية وخلطي مزيان وعمليه ماسك على الشعر + بوني + فوطة ساخنة من بعد فترة غسليه بالشمبوان عادي وعملي هاد الدميلور الطبيعي ( خدي معاك للحمام قرعة فيها خليط الصبار مطحون مع شوية الماء ) وعمليه دميلور لدقائق عاد شلليه بالماء فقط.

4) زبدة الكارتي تباع في الصيدلية + اصفر البيض + 1 م ك عسل حر + 1 م ك زيت جنين القمح + 1 م ك زيت الجنجلان خلطي الماسك وعمليه على الشعر والاطراف / مرة في الاسبوع.
نتمنى يفيدوك هاد الوصفات ويفيدو الاخوات ومرة اخرى مرحبا بك.