النيطواياج ديال الصالونات لي كندير لوجهي فالدار بالبابونج والنعناع

اول حاجة كنديرها ملي نبغي ندير نتواياج كندير مقراج يطيب بحال مني نبغي نعمر اتاي

وكنمشي نغسل وجهي يا انا بالصابون او الغاسول
ومنبعد كندير مقشر لوجهي وهو عبارة عن
ملعقة ملح خشن + ملعقة زيت زيتون+بضع قطرات من الليمون
وكديروا على زجهي ونبقا نحك وجهي غير بلاتي مدة 5 او 10 دقايق ومنبعد نغسل وجهي
ومنين كيشيطلي مقشر كندهن بيه يدي وشنايفي ههههه حيت كيرطبهوم
منبعد ما كيطيب مقراج كيجي دور البخار
كنفرغ داك الماء ف شي اناء ونضيف ليه يا اما معدونس او نعناع او بابونج يعني اللي متوفر عندك
وكنديب فوطة كبيرة ونغطي راسي ونعرض وجهي للبخار ومنخليش البخار يخرج وعيني كنسدهوم
ونبقا هكا مدة 10 او 15 دقائق
منبعد كنمسع وجهي بفوطة بيضاء وكنكون تعرقت مزيان ووسخ نزل من بشرة
في هاد الاثناء كنجيب كلينيكس ونبقى نحيد الروؤوس السوداء حيت كتحيد بسهولة
وملي نحيدها ندير قناع خاص بوجهي يعني كل وحدة ديري قناع اللي يجي مع بشرة ديالها
انا كندير هذا وكيجي معايا ويبيضها وهو عبارة عن
معلقة دقيق+ معلقة حليب كامل الدسم+بضع قطرات من الليمون
،خلطهوم مزيان حتى يوليو بحال لكريم ونديرو على وجهي من 15 حتى 20 دقيقة
ومن بعد نغسل وجهي بماء دافي وبعدها ماء بارد
ومنبعد نشد قطعة ثلج نفوتها على وجهي باش نسد المسامات
وبعدها ديري شي كريم مرطب ليلي او دهني بماء الورد
وها نتي غدي تحسي بالبياض و نعومة ورطوبية هههه
و الله الا فن و اللي جربتو ادعي معايا وبعد اسبوع غدي تحسي بشرتك تفتحات
ودبا كنستمنى منكم تقولولي تجاربكم وشكرا

أناقة مغربية