النمل دار ليك النمل فراسك…أجي نوريك الحل لي غادي يهنيك فهاد الصيف

ففصل الصيف ديما الناس كيتشكاو من النمل ..حيث كيهجم علينا بكثرة و فينما كندورو كنلقاوه…
و الناس لي عندهم جرادي خلاص مخاصهم غير يرحلو…
و حيث شحال من أخت سولاتني على الحل ….أنا اليوم و حصري فقط من مولاة الدار ..
كنقترح عليكم زوج ديال الحلول…
الحل الأول :
جافيل…إيييه متستغربيش كتشدي جافيل الحقيقي ماشي ديال العبار
و كتخويه هكاك فالبلايص لي كيدوز فيهم النمل أو إلا لقيتي المخبأ ديالو….راكي حادكة و مغاتعاوديش
تشوفيه…ومنين ينشف جافيل عودي خويه …. والله متعاودي تشوفيه كمارتو ههههه…

الحل الثاني :
الخل تخلطيه مع الملح و ترشي بيه بنفس الطريقة ديال جافيل….و تأكدي مغاديش تعاوديش تشوفيه
كيدور.

و إلا جربتي هاد الحلول.. ردي عليا الخبار ..
و متنساينيش بشي دعيوة باش ربي يسر لي أموري و أموركم إن شاء الله.