المعطر الخاص لي كنعطر بيه داري بروح سانيكروا والمسك الابيض

السلام عليكم
اليوم غادي نحط لكم طريقتي في تعطير داري كاملة
وهذ المعطر كايبقى وكايسولوني باش معطرتها مع انه بسيط

هاهوما المواد

الروح ديال سانيكروا ديال لخزامة

المسك جوج انواع الابيض غبرة والابيض طوب

هذا الريحة ومرات كاندير ريفدور ولا شي عطر زويين وقوي

كانحك المسك فالحكاكة ديال ماطيشة ديال لحديد ماشي لبلاستيك (لبلاستيك غادي تضيعو كلشي)

كاندير قياص 5 ملاعق كباار ديال الريحة

كانضيف كلشي لسانيكروا وكانرمي فيها واحد شوية ديال لقطن ولا طريف صغير ديال الثوب غير صغير باش يشد الريحة تبقى فالقاع ماتطلعش الفوق وتمشي الى فتحت القرعة وكانعمر عليه بالماء ونسدو ونخلطها مزيان ونحليها فشي بلاصة مظلمة فاش نبغي كاندير شوية فالبخاخ
وكانرش بيه الفرشات في دخلة الدار ودخلة الكوزينة وبيوت النعاس فين ماحاطة شي فراشة كانرشها شرط مايكون لونها ابيض ولا بيج
وكانشد واحد القطنة نعمرها منو ونحطها ورا التواليت ووحدة تحت الناموسية ونرش بيه الزرابي وتحت السدادر
(العطر كل ماكان مجهد كاندير غير لقياص وملاحظة ماتبقاو تخلوه فالرشاش ولا البخاخ ديرو غير لقياس وسدو القرعة بسرعة)

هذا معطر ونفس الوقت كايحتافظ على الصبابط وكانعطر بيه الريدوات والسدادر

وهذه المعطر اتوماتيكي حاطة في كل بيت نعاس واحد فوق الماريو من لور وواحد فالصالة فاش نجلسو بزاف

ومرة مرة كانعطر بمعطر العود والمسك ريحتو فننة