المسمن ديالي ديما متميز..لي شافو تايقول تبارك الله ولي داقو تايقول ما عندي مانقول ..وها علاش
السلام عليكم
اليوم قررت باش نوريكم طريقتي في تحضير المسمن ديالي.. الي شافو تايقول: تبارك الله والي داقو تايقول: ما عندي مانقول هههههههه
المهم نعملو فالقصرية الدقيق سبيسيال تقريبا شي 1/2 كيلو+ الفورض فينو تقريبا شي 1 كيلو+ ملح+ ملعقة كبيرة سنيدة.. نجمعو العجين بالماء
دافي نغطيوه تقريبا شي 1/2 ساعة علاين ما يتطلق.. من بعد نبداو تانكورو في العجين كيفما العادة..نطويو المسمنية على 4 عادي.. من بعد
مانوجدو 3 أو 4 نشعلو الفورنو على المقلة الثقيلة.. حتي هنا كلشي عادي.. المفيد هو ملي توضعي المسمنية في المقلة وملي تقلبيها توضعي
فوقها بقراج الماء إيه بقراج الماء فيه تقريبا شي 1 لتر.. باش يثقل على المسمنية وتجي حمرا كاملة بحال المرجانة.. ونعاودو نقلبوها ثاني ونعملو
نفس الطريقة وندهنو المقلة بالزت من الجناب.. غاديا تلاحظي بلي المسمنية ولات كلها حمرا كلها ماشي مبرقعة.. وهذا هو السر.
جربوها وردو علي الخبار