الماعن كيعكزوك تغسليهم فهاد البرد وخاصة يلا صبحو ديال العشا.. دخلي نعطيك فكرة وااااعرة غتهنيك

السلام عليكم ورحمة الله وبركاتة

يسعد الصباح للكل…سواء الحادكات او المعكازات… هههه
المهم …بالنسبة للاخوات لي كيكرهو غسيل الماعن..و خاصة الى صبحو ديال العشا…كدخلي الكوزينة كيجيك البيري بيري و السعال الديكي و مزاجك كيشدو كريز كردياك

اول حاجة جمعيهم كاملين فلافابو تلكوزينة و خليهم وتكوني سادة غلاقة دلافابو وعمريه بالماء دافئ وخليهم
و خرجي نتي كاع منها وسيري جمعي الدار كاملة و مسحي الغبرة و قادي البيوت و دوزي شي تجفيفة…عاد دخلي الكوزينة
مع الدار كاملة مجموعة و نقية كيوليو ابانو ليك دوك الماعن قلال و ساهلين
دغيا كطيري بهم ومع الماء السخون شوية يكون دار مفعولو غير دوزي وشلي
لان فالحقيقة فاش كلشي كيكون مرون كيبانو ليك الماعن كثاااااااااار و نفسيتك كتحطم
جربي هاد الطريقة وردي علي الخبار

هادي نصيحة من وزارة الصحة ههههههههه