اللحم مكيطيبش ليك دغيا فالطاجين؟؟اجي نقوليك علاش وكيفاش تخليه يطيب ويرجع كيف الزبدة

هاد المشكل ديال اللحم لي مكيطيبش ليا دغيا كنت كنعاني منو بزااف حتى مبقيتش كنطيب باللحم فالطاجين نهائيا،والمشكل لي كتاشفتو وكنت كنديرو هو ملي كندير الطاجين يطيب كنبقا غاديا جايا عليه وكنطل،وهاديك كثرة حل بلع هي لي مكتخليش اللحم يطيب وياخد وقت كثيير وينشف لينا  او يتحرق من التحت،المهم يالحبيبة ملي تبغي ديري طاجين ،ديريه وستفي الخضيرة ومرقي بالقليل من الماء وسدي على داك الطويجين ،وخليه على نار مهيييلة ونسايو ،متطليش عليه على الاقل حتى تدوز 30 او 45 دقيقة عاد شوفيه،ملي اكتشفت هاد القضية ،مبقيتش كنخمم فان اللحم كيشد الوقت فالطياب لان بهاد الطريقة غيطيب فرمشة العين ومنقولشش ليكم على طياب الطاجين راكم عارفينو،بنتو مبحالها بنة،اوا نتمنى تعجبكم هاد الفكرة البسيطة لي اكتشفتها واخا بسييطة ويقدرو الاغلبية يكونو عارفينها ولكن اكيد كاين المبتدات بحالي لي ممازال كيتعلمو.

في امان الله.

قد يعجبك ايضا
اترك تعليقا