اللحم مشوي فالكوكوط بالكمون و البصلة

نقدم لك لالة لحم مشوي فالكوكوط كيجي رائع ويوجد بسرعة من تحضير Sun Set
كديري اللحم فالكوكوط ، الكمية لي بغيتي، وتزيدي عليه كاس صغير ديال الماء، منبعد تتقطعي فوقو جوج بصلات كبار دوائر، وربيع مقطع او ربطة ربيع، وترشي شوية ملح وكامون.
تتسدي على الكوكوط، وتخليها حتى تبدا تصفر ونقصي عليها طيب بالمهل حتى تشرب الماء وتشمي ريحت الشواء، وطفي عليه، وهاهو واجد بالصحة والراحة.