الكسكس المدفون
الكسكس المدفون
مقادير المرق :
2 دجاجات أو على حساب كل واحد-
2بصلات محكوكين
ربيع مقبط
2مطيشات محكوكين ،كأس زيت
ملح ،إبزار،سكين جبير ،خرقوم ،ملون ،أعواد قرفة ،ملعقة ك سمن
كناخدو البرمة و نديرو فيها جميع المقادير و نشحروهم مزيان ثم كنمرقو .
أو دبا نوجدو التفاية :
كنحتاجو 4بصلات كبار مشنفين ،مغرفة ديال المرق لي كنوجدوه ،م ك قرفة مطحونة ،كأس سكر،م ص سمن ،شوية إبزار،ملح،سكين جبير،خرقوم .كنخلطو كلشي و نديروه فوق عافية مهيلة حتى تطيب مزيان و تتعسل .
أو نوجدو الكسكس ديالنا طبعا ماغنحتاجش نقول الطريقة راكم تبارك الله عارفينها
ملي إيطيب الدجاج نزولوه من المرق و ندهنوه بالسمن و ندخلوه للفرن إيتحمر
تم نوجو لوازم التزيين :بيض مسلوق مقطع على2 ،لوز مفسخ و مقلي ،والتفاية لي وجدا
أو ندزو للتقديم :ملي طاب الكسكس كنعملوه في قصرية و كنقسو منو شوية و كنسقيوه بالمرق لي وجدنا أو نسمناه بشوية ديال السمن تم كنحطو الدجاج و كنديرو فوقو التفاية و اللوز
أو كنغطوه بالكسكس لي نقصناه من قبل أو زدنا عليه السكر كلاصي بحسب الدوق
أو من بعد كنزوقوه بالموجود عندنا
كنتمنى تعجبكم اوصفة ديالي أو تجربو هاد الكسكس راه كيجي لذيذ بزاف .
أم هنية ومنصف