الفقاص لي صايبت سااهل و نتيجتو مضمونة…للمبتدئات

ليوم صوبت فقاص ساهل ونتيجة مضمونه بالنسبه للبنات الي  كيتعلمو

المقادير

6بيضات كبار
2كيسان سنيدة
2زيت ميكونوش عامرين) العبار بكاس العنبه)
كاس لوز مقطع) او ممكن نفزقوه في ماء الزهر 10دقايق ونرنوه صحيح)
كاس زنجلان ممحمرش
2معالق كبار نافع بلدي
3خمارات
الدقيق حسب الخليط من الاحسن الدقيق يكون عادي،

الطريقة

نجمعو كلشي بالترتيب ونحربلوه حسب الرغبه كبير اوصغير حيت كيتزاد ندهنوه بالماء مخلط بالكاكاو او اصفر البيض ونسكافي او بيضه كامله والكاكاو
نخلو للفرن عاد نشعلو الفرن العافيه تكون مهييييبيله نخلوه 30 دقيقه عاد نفتحو الفرن نضغط عليه بالاصبع الا كان طاب نخرجوه الا كان مزال، عجينه نزيدوه 10 دقائق المهم منفتحوش الفرن قبل 30 دقيقة باش ميتشققش،
انا قطعتو بعد ساعة ممكن تبيتوه ليله كامله والموس يكون ماااااضي باش يجيكم ساهل