العناية بالرجيلات بطريقة رائعة
باش تحصلي على نتيجة مميزة
اول شيء غادي تقطعي الاظافر وتبرديهم
وتشدي نص حامضة ودهني بها رجليك كلها
ومن بعد ديري ماء دافئ وديري فيه معلقة الملح والجيل
باش تدوشي وتخلي فيهم رجليك حتى يبرد الماء على خاطروا 
ومن بعد تنشفيهم وتزولي اللحم الزايد وتدفعي اللحم الحيط بالظفر 
باش تساعديالظفر على النمو، وتاخذي الحجرة الكحلة او بحال هاذي
تحكي الطبقة الغليضة راهم بحال القشور غلاض ورقاق
من بعد تاخذي زلافة وديري فيها :
معلقة كبيرة صابون الكف محكوك
ومعلقة كبيرة طالـــــك الاطــــــفال
خيار ثاني
او ديري
معلقة كبيرة الفورص
ومعلقة كبيرة الفازلين
تخلطيهم مزيان يعني الخيار الاول او الثاني
واحــــــــد فيهم، وتعمليهم لرجليك من الفوق
وبالنسبة لتحت القدمغادي تضيفي معلقة التحميرة حلوة
تخليهم بحالا دايرا الحنةوتلبسي التقاشر وتخليها
مدة طويلة اقلها حتى 12 ساعة او بالليل وتباتي بها
ومنبعد مسحيهم وغسليهم وحكي مع راسك حتى
تشوفي القشرة الرقيقة والغليضة مابقاتش غادي
تفاجاي من النتيجة رجيلات رطيطبين وملسين ومزنكين
وانت تتحكي دهني بعصير الحامض بقطنة ومن بعد خذي
الكيس وحكي رجليك من الفوق مزيان وملي تكملي
عاودي غسليهم ونشفيهم و دهنيهم باي كريم الجسم
الي تديري وهاهما قديمات حمامة مزنكين
ورطبين وروعة وبالصحة والراحة
والى عندك القدم قاصح من التحت يعني الطالون
ما عليك غير بدهنه بفازلين الي سبق لينا وقادينا
وتلبسي عليهم التقاشر وفي الصباح تاخذي الحجرة
وتحكيهم حتى يبان لك ولاوا ملسين ورطبين
نتيجة رائعة 
بالصحة والراحة نتمنى كلشي يطبق
وتهلاوا في رجيلاتكم باش يهزوكم