الطريقة لي هناتني من مسيح الزجاج لمدة 15 يوم..كيبقى نقي وكيشعل بلا عذاب بلا تمارة

السلام عليكم
البنات انا جبت ليكم طريقة باش تنظفوا الزاج ديالكم يولي يشعل ويبري وتهناي منو للاكثر من 15 يوم .
الطريقة هي
1 – جيبي واحد السطل فيه الماء دافي من بعد زيدي عليه كاس كبير ديال vinaigre d’alcool كيتباع في المارشيات وثمنه رخيص لا غلى على مسكين

2- خودي بونجة بحال هادو الي كتغسلي بيهم الماعن وديريها في السطل وبداي تحكي مزيان الزاج

3- من بعد بداي تمسحي وتنشفي الزاج ب serviettes

4-النتيجة زاج ملمع مغسول وبلا تمارة وخسران الفلوس حتى من الجورنان مكنحتاج نستعملو من بعد .