الصيف هذا و اكيد مول الدار جاب لك شي دلاحة كبيرة و وحلتي كيف تخبعيها فالثلاجة ؟؟ دخلي نقولك اش ديري

السلام عليكم ورحمة الله وبركاته،

الدلاح تبارك الله عندنا حلو فالمغرب و ما يمكنش يدوز الصيف بلا ما نشريوه و نتبردوا به

و بعض المرات تتكون الدلاحة كبيرة و ما تيكونش سهل تحطيها فالثلاجة لانها تتكون كبيرة

او ثقيلة على الرف ديال الثلاجة

لهذا اول ما تشريوا الدلاحة قسميها على جوج

واحد النص غتقطعوه مربعات يعني اطراف بالقلب الاحمر

ديال الدلاح مع ازالة القشرة الخضراء و اللبابة البيضاء..

و طبعا هذاك غتاكلوا منه و الباقي تحطوه فبواطة فالثلاجة.

النص الاخر اللي مزال صحيح غتحيدوا له القشرة الخضراء و اللبابة حتى يبقى عندكم القلب الاحمر ديال الدلاح

و تلويوها فالبلاستيك الغذائي و تدخلوها للثلاجة و اذا كانت كبيرة مزال تقدروا تقسموها لاطراف متوسطة الحجم

و تحطوها فالثلاجة هذه الطريقة تتنقص الوزن ديال الدلاح اللي يقدر يؤثر على الرف ديال الثلاجة او يهرسه او يشقه

اذا كان ديال الزجاج.

و بالصحة و الراحة

قد يعجبك ايضا
اترك تعليقا