صقلة الشيح والازير ديال العرايس لتبييض وتوحيد لون الجسم

بسم الله الرحمن الرحيم

وعليكم السلام ورحمة الله وبركاتة

من غير مانطول عليكم كل منا تتعرف اشنو هي الصقلة وفائدتها
والتجربة خير برهان مكونات طبيعية معروفة في التفتيح مية بالمية ثمن في متناول الجميع
نبدا على بركة الله

تذكير: كل هذ الاشياءنشريها بوحدها ونطحنها بوحدها ومن بعد نخلط غير المقدر اللي بغيت غير درهم او زوج من كل حاجة
اللوز مر -فول-حمص-روز-حلبة-الغسول بانواعه-شيح-ازير- شوية ديال القرفة- وشوي ديال القرنفل -عكر فاسي -خمس ودعات-حنة-اداد-الريحان-عرعار-خزامة-الورد-زعتر-ورق سيدنا موسى المعروف بورق الغار واللي الشامين تيعتمدوا عليه في العديد ديال الاشياءمن ضمنها صابون الغارللتبيض_
نطحن كل هذ الاشياءراه ساهلين في الطحن ونخلطهم مع بعضهم
الان جاءدور السائل اللي غادي نخلط بيه
بيضة بلدية- ما تخافوش من ريحت الزفرة راه ريحت الاعشاب اقوى من ريحة البيض- دانون مسوس جوج معالق كبار- ماء ورداللي غادي نبيت فيه شوي ديال الزعفران شعرة- شوي ديال اللبن -شي قطيرات ديال الليمون -قطيرا ت زنبوع راه وقتوا هذي متوفر في كل مكان الى كان الخليط قاسح تحكموا في الليونة ديالو بواسطة اللبن
تدخلوا للحمام من بعد ما تكملو الاستحمام تجمعي شعرك بفوطة وتنشفي بشرتك من الماء وتدهني الخليط للجسم ديالك كلواوتبقاي بها الوقت اللي تقدري من ربع ساعه الا ما فوق وتغسليهاومتنساي الترطيب ديالك المعتاد لان في بعد المكونات في الخلطة تتنشف بحال الزنبوع والزعتر
وسلامتكم اي استفسار تحت امركم
ما تنساونيش من دعواتكم
محبتكم في الله
منتدى سيدات المغرب