السفة المغربية بالكسكس بطريقة راقية بالصور
موضوع للاخت : السعدية جزاها الله عنا كل خير
سفة الكسكس كلشي تيعرفها بالنسبة لتحضير الكسكس عادي كلشي كايعرف ليه تناخدو المول اي مول بغينا انا تنديرها فهادا ديال لي كلاص و تنديرو فيه طبقة ديال السفة و نظغطوها مزيان بالمعلقة
وتنعملو من فوق منها طبقة الكرعة اللي عسلنا مخلطة مع الكركاع بالنسبة الكرعة اللي عسلنا مخلطة مع الكركاع تحضير ديالها
المقادير
القرعة الحمراء اللي مولفين نديرو فسكسو شوية القرفة عواد شوية الكوزة الكركاع الزيت سنيدة ما عطيطكومش المقادير مظبوطين حيتاش مايحتاج قداش ما بغيتي ديريه
تناخدو الكرعة و تنفوروها فالكسكاس مع لعواد ديال القرفة
و من بعد فاش تتفور تنزولو عواد القرفة و نحكو عليها شوية الكوزة و نزيدو ليها سنيدة و الكركاع مهرمش و الزيت انا هاداك شوية د لكرعة تقريبا كيلو درت ليه كاس د لعنبة ديال الزيت و تنخلطو كلشي و نديرهم فوق النار مع التحريك المستمر من الاحسن بوطاكاز صغيرة و كلسي بقاي حركي حيتاش تتبغي الوقت
بقاي حركي حتى يتبدل ليها اللون و تحمر تكون بحال هاكة
و دابة ديريها فشي صفاية و خليها ليلة كاملة حتى تصفى منها الزيت
ايلا شفتيها ما خرجاتش منها الزيت راه تكون باقي خاصها الطياب رجعيها فوق النار عاوتاي حتى تزيد الطياب شوية و حتى ايلا جات مسوسة زيدي ليها سنيدة و رجعيها طيب مع التحريك المستمر طبعا و هاهية صالحة للأستعمال
و من بعد نزيدو عاود طبقة اخرى ديال السفة
و تنقلبوها فطبق التقديم و خليها حتى تنزل بوحدها بشويش بلا ماتبقاش ضربي فالمول حيتاش غادي تشقق
و هاهي زينتها بالكركاع و السكر الصقيل و القرفة و راها تتحمر الوجه قدام الضياف
و هاهي كيف تتجي من الداخل