السفة المدفونة بالشعرية و الدجاج

السلام عليكم البنات
هذي السفة المدفونة بالشعرية : نصبت الدجاج بالتوابل الآتية الابزار الخرقوم عرك الزعفران الحر سكين جبير القرفة عواد الملح شوية السمن الحار الزيت البلدية بصلة كبيرة مشلظة ربطة ديال قزبر ومعدنوس كاس كبير ديال الماء ملي طاب الدجاج زولتو من الطنجرة وخليت المرقة حتى نشفت من الماء نقيت الدجاج من العظام وقطعتو طريفات صغار ورجعتو للطنجرة وخلطتو مع لاصوص .بالنسبة للشعرية بسبستها بالزيت و فورتها 4 المرات تقريبا الاولى كنسقيها في الكسكاس بالماء طايب والمرات الاخرين كنعاودها في القصرية بالماء البارد و قبل التفويرة الاخيرة منعاودهاش بالماء كندير الزبدة والسكر كلاصي ونخلطها وهي سخونة ونرجعها تفور للمرة الاخيرة ثم بعد ذلك نعمل النصف ديالها في الطبسيل ونعمل الحشوة ديال الدجاج ونغطيها بالنصف الاخر وطريقة التزيين في الصور