السداري ديالي قدام وطلعلي فالراس وطاحت عليا واحد الفكرة جددتو بيها رجع احسن حتى من الجديد

السلام عليكم ورحمة الله وبركاته

كانت جاتني فكرة وكنتمنى تعجبكم

لي عندها سداري قديم ديال الخشب في دارها وبغات تجددوا نقول ليها اش تدير

انا عندي صالون على قدو عامر سدادر وفي بلاصت منبدلهم غادة

نعاود نجددهم بطريقة غزالة إن شاء الله
بغيتو تعرفو الطريقة؟؟؟؟؟

أنا نعاود ليكم علاش بغيت نصاوب السدادر باش نقول ليكم الميزانية لي خرجات لية ومقدرتش عليها،عندنا الصالون شوية طويل ولكن العرض ماشي بزاف يعني عندي 8 في الطول والعرض غير 3 وملي عبرت السدادر باش نديهم للمعلم لقا عندي 21 مترو واحسب ليا  المتر الواحد 4200 ريال باش يبدل لية الواجهة ملي حسبتها لقيتها جاتني 88200 ريال + الهوندة لي غادة تهز لية السدادر المشيان والمجيان مقدرتش عليها بيني وبينكم

قلت ندير غير العود العادي في الواجهة لقيت أخر تمن 2600 ريال وشوفو حتى هي شحال جات

قلت من الأحسن ندير ليهم فصالة تركية كيف كيقولو ليها،بالنسبة للمواد غير وجديها لي حتاجيت

أنا نكتبها ليكم

كرافوز ديال الخشب فيه جوج أنواع المزيان لي كيصبر بزاف ديال الحديد التمن ديالو 150 درهم + العمارة 10 دراهم

وكاين نوع أخر حتى هو مزيان كيدير 35 درهم وحتى هو مزيان والعمارة ديالو 15 درهم وبالنسبة للعمارة راه تخدمي بيها 10 صالونات ماشي غير واحد

والتوب لي دايرين في الصالون أو توب قريب ليه في اللون يعني لكنتي عاملة الكرونة مزوقة ديري غير كرونة عادية

والبونج التمن ديال الوحدة 20 درهم يعني 2 يكفيو في صالون فيه 21 متر ويشيط الخير باش ديري حاجة أخرى
المجموع 150+10+40+ التوب مكاملاش 350 درهم للصالون كيف جيتك

أما أحسن 88000 ولا 7000 ريال شفتي على تنقيزة

نتمنى نكون فدتكم ..

ها الطريقة ديال التغليف: