الخليع بالطريقة المغربية
الخليع بالطريقة المغربية
المقادير:
2 كيلومن الهبرة (لحم بقر)
من ثلاثة إلى أربعة كيلو من الشحمة من الافضل ديال الكلوة مطحونة عند الجزار
لتر الا ربع زيت الزيتون
ملح غليظ
قزبور يابس مطحون بزيادة تقريبا كأس كبير
ثلاثة ملاعق كبار كمون
نصف كأس صغير خل
رأس ثوم
نصف كأس زيت الزيتون للترقاد
الطريقة:
يلزم ثلاثة مراحل: تهيئ القديد أولا-
قطعي اللحم شرائط طويلة و رقيقة , رقديهم مدة يومين قي التوابل و الزيت و الخل مع التقليب مرة مرة , من بعد نشري القديد حتى ينشف تماما من الافضل من العاشرة صباحا إلى الخامسة مساء بش مينزلش عليه الندى
ثانيا تهيئ الخليع أو طبخه
رقدي القديد في شوي الماء سخون حتى يرطب – خذي طنجرة قعرها غليظ ، وضعي فيها القديد مع شوي ديال الماء والقزبور اليابس وشوي ديال الزيت البلدية وخليه إطيب على خطرو
في طنجرة أخرى ، طيبي الشحمة مع شوي ديال الماء و الملح و القزبور اليابس و شوي زيت الزيتون… لما يطيب اللحم و يشحث الماء منو , كبي عليه الشحمة في الصفاية ,بش يتصفوو الخيوط في الصفاية, زيدي عليهم الزيت كلو ورديه يطيب على المهل بش يتجانس الكل, حطي الفتيلة من الثوب و غمسيها في الخليع , إلا شعلت في النار معناه مبقاش فيه الماء و إلا تشتشات معناه باقي فيه الماء وغدي إصوف
ثالثا مرحلة التخزين
خدي القراعي ديال الزجاج , نشفيهم مزيان , وضعي في كل قرعة شوي ديال القديد مقطع بالمقص , , من بعد , خذي ليدام بالمغرفة و عمري عليه في كل قرعة و خليهم يبردو تماما بلا متغطيهم… في المناطق الساحلية , غطي وجه الخليع بزيت الزيتون