حلويات مغربية سهلة للأعياد و المناسبات بالصور و المقادير المضبوطة

نقترح عليكن حلويات مغربية سهلة عليكن عزيزاتي الزائرت، مناسبة للأعياد و المناسبات المتنوعة. من منا لا تعشق الحلويات الراقية والمميزة واللذيذة التي تزيد مائدتنا المغربية تلك الجمالية ، خاصة أنها تتميز بلذتها التي لا تقاوم أبدا والتي تكون غنية ومتنوعة ومختلفة في الاشكال والمذاق الرائع الذي لا يقاوم.

لهذا اخترت لكم هذه المجموعة المميزة من الحلويات التي قمت باعدادها مرارا و التي يحبها الجميع دائما، فما رايكن فيها ؟

البريوات 

1 كيلو ديال اللوز تصلقيه وتقشريه وتخليه ينشف مزيان من الما، كتاخذي منو 300 غ كتقليها تقسميها على 2، يعني 150غ كطحنيه وتخليه مهرمش رقيق
و150غ الباقية كطحنيها مع 100غ سكر كلاصي ومعلقة صغيرة زيت حتا كتعلك وتولي بحال براليني، واللوز الباقي يعني لي مصلوق كطحنيه وكتعاودي طحنيه مع 300غ سنيدة. كتزيدي داك اللوز وتخلطيه مع2 معالق كبار أو معلقة كبيرة زبدة مذوبة حسب اللوز، وتنسميه بما زهر أو أي نسمة والمسكة الحرة ايلا بغيتيها وصفر بيضة أو بيصة صغيرة. تعملي كويرات صغار وتشكلي بريوات كلشي كنضن كيعرف الطريقة تقليهم تغطسيهم فالعسل منسم بما زهر
والتزيين كنغطس رؤوس البريوات فالعسل ثم فاللوز مقلي ومهرمش.

غريبة اللوز مفندة فاللوز ايفيلي

الغريبة نوع حلويات مغربية مشهور و يقدم عادة في الأعياد و المناسبات و يمتلك شعبية بين الكبار و الصغار.

500غ اللوز مسلوق ومقشر ومطحون وكتعاودي طحنيه مع 250غ سنيدة
قشور حامضة
معلقة صغيرة خميرة الحلوى
3 صفار بيض+بيضة كاملة
معلقة صغيرة زبدة مذوبة
50غ فواكه معسلة ومقطعة طريفات صغار
اللوز ايفيلي للتفناذ

كتخلطي المقتدير وتعملي كويرات تغطسيهم فبياض البيض واللوز ايفيلي، وتبسطيهم شوية طيبيهم ودهنيهم بالناباج ايلا بغيتي.

حلوة الكبة
العجينة :
500غ طحين
125غ زبدة مذوبة ومصفية
2 معالق كبار سكر كلاصي
رشة ملح
ما زهر لجمع العجينة دلكيها مزيان وخليها قاصحة وخليها ترتاح
طلقيها بالمدلك وخرجيها فالماكينة ثم فماكينة سباكيتي ورشي بطحين غير شوية باش ميلصقوش الخيوط
الحشوة
750غ اللوز مسلوق ومقشر ومطحون مع 350غ سنيدة
250غ اللوز مقشر وقلي ومطحون
نسموها بما زهر أو ا اي نسمة تتبغيوها
وبياض البيض باش نجمعو الخليط
تعملو كويرات وتلويو عليها الخيط بحال كديري الكبة فالوسط زينوها بالصنوبر انا معنديش درت غير اللوز
تخليوها حتا تنشف طيبوها ودهنوها بناباج

فينونسي 

110غ بياض البيض
75غ غبرة اللوز
75غ سكر صقيل
90غ زبدة مدوبة حتا يولي لونها ذهبي المهم متحرقش
قبصة ملح
40غ طحين
2 معالق كبار شكلاط فيرميسيل

كتخلطي النواشف بحدها وتزيدي بياض البيض وتخلطي، ثم الزبدة المذوبة وتخلطي مزيان وفي الاخير الشكلاط. تعملوهم فمول سيليكون يطيبو تقريبا شي 15 حتا 20 دقيقة، وتوقيهم فالوسط بالكناش.

رخامة بشكل جديد

نوع حلويات مغربية مغطات بطبقة رقيقة صقيلة كالرخام و هكذا أخذت هذا الإسم.

المقادير:

500غ كاوكاو بلا قشور مقلي ومهرمش
باكية ماريا مطحونة
نسلي كراميل
5 معالق كبار عسل
انا زدت نكهة البندق
شكلاط اسود مذوب

تجمعي الخليط بنسلي كراميل طلقيها بين جوج ميكات تحطيها فوق شي بلاطو وتسرحي الشكلاط. تخليه حتا يبرد وتقلبيها فبلاطو اخر وتحيدي بلاستيكة وتسرحي الشكلاط وتحطي عليه بشوية بلاستيكة ديال زخرفة ديال شكلاط، تحطي عليه شي بلاطو وفوق منو شي كاس باش يشد مزيان خليه حتا يشد راسو وحيدي البلاطو ودخليها الثلاجة، حتا تبرد مزيان وحيدي بلاستيكة بشوية وشدي الموس عمليه فما طايب ومسحيه وقطعي مربعات.

حلويات مغربية من نوع الصابلي:

صابلي بنكهة اللوز والقهوة

250غ زبدة
150غ غبرة اللوز او نوازيت
180غ سكر كلاصي
4 صفار بيض صغار أو 3 كبار
طحين حسب الخليط تقريبا 500غ
نكهة القهوة أو الكابتشينو
نكهة اللوز

كتجمعي الزبدة وسكر كلاصي ثم صفار البيض واللوز والطحين، تقسميها على 2 وحدة نسميها باللوز والاخرى بالقهوة. عملي كويرات غير صغار، ولصقي 4 كويرات ورشميها يالمرشم نصورو و نحطو ليكم. دخليها طيب دهني الوسط يشوية الكليكوز وزوقيها بالعقيق.

صابلي بالقهوة والشكلاط 

250غ زبدة
2 معالق كبار سكر كلاصي
قرصة ملح
2 الى 3 ساشيات القهوة ديال درهم مذوبة فشوية الما
طحين حسب الخليط

نخلطو المقادير ونجمعوها بالطحين غير تجمع صافي، نطلقوها بين زوج ميكات نخليوها شوية غليضة. نقطعوها باي مرشم وتغطس فالشكلاط انا زوقتها بحبات القهوة بالشكلاط.

حلويات مغربية على شكل قليبات بالزنجلان و الكونفتير 

250غ زبدة
100غ سنيدة
قريصة الملح
2 معالق كبار زنجلان مطحون
راس معلقة صغيرة الخميرة

تجمعي المقادير دهني يديك بشوية الزيت وتعملي كويرات صغار، تمرمديهم فالزنجلان وديريهم فمول سيليكون شكل قليبات. ملي يطيبو عمريهم بالكونفتير انا كان عندي ديال المشماش سخنتو وصفيتو زدت عليه لون أحمر و معلقة كبيرة الكليكوز.

حلويات مغربية بريستيج بالكوك ونسلي والفواكه الجافة

نصف كيلو الكوك
نسلي لجمع الكوك
فواكه معسلة مقطعة طريفات صغار
شكلاط ابيض

كتجمعي الكوك والفواكه بنسلي وتعملي كويرات صغار، كتاخدي مول سيليكون تعمريه يالشكلاط ابيض دايب وتخويه مزيان وتكرطي الزوائد
دخليه الثلاجة حتا يبرد وتعمريهم بالكوك ونعاودي تخوي الشكلاط وتحيدي الزوائد. ودخليهم الفريكو وتحيديهم بالمهل ولصقتهم باقراص بالشكلاط اسود
والوسط زوقتو بالناباج دوبتو مع شوية الكليكوز و لون اصفر ونسمة الحامض، ان شاء الله لقا شي فيديو يشرح طريقة الشكلاط او ممكن ديرو فاليوتوب chocolat fourré ويعطيكم الطريقة.

يمكنكم إيجاد كل ما يتعلق بالوصفات و حلويات مغربية ضمن تصنيف مطبخ في موقع يالالة

 

حلويات مغربية سهلة للأعياد و المناسبات بالصور و المقادير المضبوطة حلويات مغربية سهلة للأعياد و المناسبات بالصور و المقادير المضبوطة حلويات مغربية سهلة للأعياد و المناسبات بالصور و المقادير المضبوطة حلويات مغربية سهلة للأعياد و المناسبات بالصور و المقادير المضبوطة حلويات مغربية سهلة للأعياد و المناسبات بالصور و المقادير المضبوطة حلويات مغربية سهلة للأعياد و المناسبات بالصور و المقادير المضبوطة حلويات مغربية سهلة للأعياد و المناسبات بالصور و المقادير المضبوطة حلويات مغربية سهلة للأعياد و المناسبات بالصور و المقادير المضبوطة

قد يعجبك ايضا
اترك تعليقا