الترطيبة الطبيعية لي كدير اختي لبناتها…..النتيجة مبهرة من الاستعمال الاول!!!!

البنات هد الوصفة جرباتها اختي لبناتها والنتيجة رائعة خصوصا مع الاعادة على الاقل 3 مرات والنتيجة مبهرة من الاستعمال الاول

المكونات

لفت محفور على حسب طول الشعر مثلا شعر قصير تحتاجين ل2 حتى 3

بيضة بلدية

نصف كاس زيت اركان او زيت نوار الشمس المهم ميكونش زيت الزيتون

معلقة عسل حر

الطريقة

ناخدو اللفت نبخروه في كسكاس حتى يولي بحال زبدة نخليوه يبرد شوية نديروه في مولنكس مع العناصر كاملة
نطحنوهم حتى يوليو بحال بومادة
تاخدي الشعر تفرقيه وتبداي توضعيه وتجبدي بحال كديري الترطيبة من بعد تاخدي مشطة رقيقة وتبقاي تمشطي وتجبدي وتخلي شوية ديريه من الفوق ودوري باتشا وديري فيلم اليمونتيغ او بلاستيكة وتقبيها من الوسط باش تنفس وخليها دة ساعتين الى 3 من بعد غسليه ودهنيه ودوري باتشا وجي ردي علي الخبار
هد الطريقة حتى الوليدات صغار مزيانة ليهم مفيها حتى ضرر

اللي عجبتها وجربتها تدعي معايا ومع البنات بالدرية الصالحة