البغرير ديالي على حقو و طريقو بشهادة العائلة

بدون فخر بغرير ديالي راه بلا منقول لكم عليه راه احسن بغرير بهدى الحدهههههه ما كيجي لا معجن ولا والو وكله متقب ولكن تبعو هد الطريقة التالية

المقادير

2 زلايف ديال السميدة الرقيقة+معلقة الفينو
2 خمارات ايديال
شوية الخميرة بلدية
شوية الملح
ومن الاحسن تكون مقلاة صغيرة باش يجيك ساهل وغزال

الطريقة

كندير السميدة ومعلقة الفينو في الخلاط ونزيد الخميرة-الخمارات-الملح ونكمل بالماء حتى يعمر الخلاط وحركي شوية وبدى بالمخيظ حتى تشوفي الرغوة متقبة في وجه الخليط
وطبعا يلا جاك قاسح زيدي الماء حتى يجرى شوية ومن بعد ديريه في اناء يخمر حتى عاود تشوفيه خمر وعمل تقب فوق وجه الخليط
وطبعا خدي مقلاة تكون خاصة بغرير جديدة يلا قديمة يمكن لك تغلي فيها شوية الملح باش تعطيه مزيان وعمليها تسخن مزيان
وبقاي تعبري بالمغرف الصغيرة راه تمنها بالظبط كيدير 5 درهم
فين ما مشيتي راها كتجيب بغرير مقاض
لمعندهاش تعمل نصف كاس عنبة وكيف تخوي السائل ماشي تفرجي فيه بسرعة قضيه بالمقلة وخليه يطيب بلا متقلبيه بلا والو منين تشوفي الوجه مافيهش العجين خظر عرفيها طابت
وجدي شي غربال بقاي تحطي لطابت فيه باش تبرد ومتعجنش

أم  أمجد و لطفي