البطاطا بطريقتي العجييبة كتجي وااااعرة فالمذاق ومختلفة…كنقدمها مع الدجاج فعراضاتي

عزيزاتي اليوم حبيت نقدم ليكم هاد الطريقة الجديدة ديال البطاطا بتتبيلة روعة كتجي بنيينة بزااف ولي جا ضافك غادي يبغي ياخذ المقادير ديالها حيث فعلا كتجي فااخرة ومختلفة.

المكونات :

500 غرام بطاطا صغيرة

حبتان بيض

قزبر وبقدونس

توابل(قليل أحمر، فلفل اسود،ملح،فلفل أحمر حار،ثوم،كركم، مكعب ضامتي بالثوم (اختياري)

200 غرام نشا

الطريقة:

اولا خودي البطاطا الصغيورة غسليها مزيان ،وعمليها تصلق فماء مملح لمدة 7 دقائق،من بعد استقطريها وخليها تبرد وقشريها،خودي اناء عملي فيه بيضتان ،شوية الربيع و2 ضروس ثوم محكوكين والتوابل،ونمزجو جميع المكونات مزياان،ثم نعملو البطاطا فالخلطة ونخلطوها مزيان حتى تتغطى لينا البطاطا بالشرمولة،ونخليوها نصف ساعة تتشرب الشرمولة،ثم نصفيوها فالمصفاة باش تتصفى لينا من خلطة البيض والتوابل.

ثم ناخدو علبة مايزينة ونبقاو ندوزو فيها البطاطا حتى تتغطى مزيان،ثم نقليوها فحمام زيت ساخن،نخليوها تتحمر مزيان مع التقليب ثم نوضعوها فوق الورق النشاف،وبصحتكم وراحتكم،جربوها كتجي لذيذة بزااف.