اكواب الدجاج المحشية وصفة لذيذة و شكل جديد

اولا تفرمي صدر دجاج ومعاه شوية بصل، ثوم، ملح، فلفل اسود، رشة زنجبيل وتوابل الدجاج ولا التوابل لي تحبيها وتدهني الفناجين او الاكواب اللي عندك بالزيت وتلبسي فيهم كبقة من الدجاج المفروم مثل الصورة

تحطيهم في كسكاس باه يفورو

تغطيهم بورق المنيوم او غطاء محكم

حضري الحشو اي تحبي سواء بيري او لحم مفروم وفرماج كيما جىبتها مرة جات هايلة والمرة هاذي حضرت حشو من باذنجان وبطاطا وقرعة مكعبات وخلطتهم مع صلصة طماطم ومعدنوس مقطع

لما يفورو الاكواب ما يحتاجوش بزاف وقت الا تحبي تخليهم على شكلهم او تحمريهم شوية في الزيت او تظعنيهم بزبدة وتحمريهم غي الفرن وتخشبهم

وانا قدمتهم مع بيري حطيتها فلا بوش ادوي وزينت بيها الطبق على الجنب وتقدري تقدميهم مع صلصة شومينيون وكريمة او الصلصة لي تحبي وانا مرة عملتهم في رمضان وحشبتهم جلبانة