أربعة أشياء بسيطة يجب أن تتوفر عندك لكي تجعلي مطبخك أكثر تنظيما

باش تنظمي شغلك وتبقى الثلاجة ديالك والبلاكارات ديما مرتبين هادو 4 دلحاجات خاصهم ديما يكونو عندك فالكوزينة فمكان باين وقريب.

اولا اوراق بيضاء
ثانيا قلم حبر جاف يعني ستيلو
ثالتا سكوتش شفاف
رابعا مقص صغير

وهاد الشي باش تعملي بطاقات بالاسم واحيانا التاريخ على الاشياء لي كتحتافظي بيها سواء فالتلاجة او الفريكو او داخل البلاكارات.سواء كانو الاواني لي كتستعملي شفافين ولا لا.
هاد الحركة البسيطة كتخليك تمشي للحاجة قاصدة وما تضيعيش الوقت فالتقلاب. لان بمجرد ما كتفتحي الباب كتبان ليك من التيساع وتقوليك هانا. واخا يكونو العلب او القراعي متشابهين.او كيبقا كلشي منضم ومرتب.
وحاجة اخرى يمكن ليك تسجلي فورقة كبيرة المسائل لي غتعملي فالغد او الاشياء لي خاصك تتقدايها او اي برنامج عندك او…………. وتحطي الورقة فمكان باين وقار متلا تلصقيها فباب الثلاجة وهاكذا كتجنبي النسيان.
انا اي حاجة عندي فالكوزينة كندير عليها بطاقة حتى البوطة الكبيرة والصغيرة باش نعرف ايمتى غتتقاضى وندير حسابي قبل ما ديرها بيا.
واي الة خاصة بالمطبخ شريتها كنعمل فالعلبة التاريخ والتمن باش نعرف واش صبرات لي ولا لا.
واشياء كتيرة بلا عدد يمكن تعملي عليها بطاقة.
نتمنى هاد الافكار لي قدمت ليكم يعجبوكم وتستافدو منهم.