أجي تشوفي باش مهلية فراسي و مبقيتش كنشري الكريمات الغاليين

راه رخيص و كنزيد ليه شوية ديال العكر الفاسي و هاد الكريم مرطب و مفتح للبشرة فنفس الوقت و للشفتين كندوب شوية ديال الفازلين مع شوية العسل و العكر الفاسي ر كنديرو يوميا كيخلي الشفايف رطبين و حمرين مابقيت كنحتاج لا عكر و لا كلوص و راه العكر الفاسي كناخد منو غرام و نص و كيشد ليا عام.

بالنسبة للرموش كندير ليهم قبل مانعس شوية ديال الفازلين و كنكحل بالكحل البلدي و لاو رموشي تبارك الله طوال و غلاض و ماكنحتاجش ندير ليهم الماسكرا.
و بالنسبة للشمبوان كنشري قرعة كبيرة و كنقسمها على 2 قراعي و كنعمرهوم بمنقوع السدر منها كنقتاصد و منها كنحافض على شعري حينت منقوع السدر كيقوي الشعر.

اوا جربو وردو عليا حتى نتوما الخبار.