أجيو نقولم السر ديال باش يجيني صابلي بريستيج هشيش بزاف و ميقصاحش

 

الحاجة اللي تخلي الصابلي هشيش هي أولا لازم تحتارمي المقادير نتاعو لانه عجينة الصابلي عندها مقادير مضبوطة حيث أنه دايما كمية الزبدة تكون نصف كمية الفرينة و كمية السكر هي نص كمية الزبدة يعني اذا درتي كمية زبدة ديال 250 غرام يعني تستعملي 500 غرام فرينة و 125 غرام سكر هاذي مقادير موحدة  ممكن تزيدي و لا تنقصي شوية الفرينة علي حساب واش تاخذلك لعجينة بصاح هذا هو المبدأ نتاع الصابلي

ثاني حاجة هي البيض…في الكاطو صفار البيض يهشش لعجينة و البياض ييبسها… هاذي معلومة لازم تحفظيها…  لهذا ويلا بغيتي يجيك هشيش بزاف استعملي صفار البيض باش تجمعي لعجينة احسن ما تستعملي بيضة كاملة يعني.. 250 غرام زبدة خاصها 2 حبات بيض… أنت في عوض أديري 2 حبات كاملة… ديري 2 صفار و حبة كاملة…

 

قد يعجبك ايضا
اترك تعليقا