أجيو تكتاشفو معايا السر لي فالكوكوت ولي ينفعكم بزاف باش تحيدو الدهون من حيوط الكوزينة بلا كترة الحكان وتمارا

السلام عليكم  حبيباتي

اليوم ثاني جيت نفيدكم عوتاني بفكرة تسهل عليكم عذاب التنظيف خصوصا المطبخ لي كيكون هاز بزااااف على قلبه مسكين ههه

المهم بلا منطول عليكم ندخلوا نيشان فالموضوع

هادي طريقة اخرى باش تمسحي الدهون اللي تجمعت فالكوزينة ببساطة وانا جربتها و نفعتني بزاااف وقلت نفيدكم بها

أول خطوة غادي ديري هي :

عمري كوكوت بالماء وسدي عليها وحيدي لها الصفارة وسدي الشراجم والباب ديال الكوزينة

وخليها شوية حتى كتعمر بالبخار من بعد شمري عى دراعك ودوزي الشيفون او الشيتة

را تلقاي ليدام بحال الزبدة غير تمسيه اتحيد وراك كالنظافة لي كتشقشق

نتمنى هاد الطريقة تفيدكم وتجربوها

راه كوزينتكم غترجع كتشعل بأقل التكاليف وبلا تمارة