يلا خماج ليك البنان و كحال احتااافظي بيه وها شنو ديري به

السلام عليكم حبيباتي

بزاف دالمرات تايشيط لينا البنان حتى تايخماج ماش بمعنى الخموجية السلبي ههه لا يعني تايكحال و يولي مهرهر و ماشادش راسو أبدا هههه

ايوا اللي عندها شي وليدات راه مياكلوش ليها البنان و هو فيه الكحولية ولا يدوقو شويا

و يرميو النص يقوليك خااامج و ههه و تايضيع لينا

و بعد المرات حتى حنا ايلا ولا سخفان و مشا ليه العمود الفقري متانزعموش عليه

اوا يا لالة دابة جبت لك واحد الفكرة باش تبقاي تستافدي منو فعاوط ما ترميه

الفكرة انك تقشري داك البنان و تعمليه فشي بلاستيكة و دخليه المجمد و فينما يشيط ليك شي نصيص ديال شي تفاحة فالديسير

زيديه عليه عوض تبقا حتى تكحال و ترمى

صافي خليه عندك وقت اللي بغيتي تعملي عصير جبديه و طحنيع مع الحليب و التفاح او غير الحليب وحدو

تايجي زوين بزاف و بارد و تاينفعك ايلا مالقيتيش فاكهة ديري بيها العصير تاتلقايه فالاحتياط

و واحد الطريقة تاتجي بيه زوينة ولي هي تانصلقو الباربة و نطحنو معاها هاد البنان و نحكو فيها شي تفاحة فالحكاكة الغليظة مع السنيدة و الفاني

تايجي ديسيري زويين بزاف تاتبقا النكهة ديال البنان مجهدة و تايكون بارد و منعش و ياكلوه وليداتك و يطلبو الزيادة كمان ههه

نتمنى نكون فدتكم بهاد النصيحة المتواضعة




قد يعجبك ايضا
اترك تعليقا