يلا تحرقات ليك الكميلة أو الكوكوط و ما عندكش الجيكس ها شنو ديري

سلام حبيباتي

اليوم جيت نشارك معاكم واحد الفكرة باش تهنيكم من تمارة

بعد المرات كنساو شي كسرولة ولا كاميلة فوق البوطة حتى كنلقاوها ولات كحلة ههه

و لسوء الحظ ديالنا مكتكونش عندنا الجيكش فدار ومكيكون حتى حد لي يتسخر

داكشي لاش جيت نفيدك بهاذ الطريقة باش بلا ما تبقاي هازا هم الحكان إلى تحرقات ليك الماكلة فشي ماعون



الطريقة ساهلة وبسيطة ولي هي

ما عليك يا لالة  غير تخويه و بلا ما تغسبسه صبي في قعره كمية كافية من الملح،

خليه بضع دقائق وراك الحكان تيخرج الماعون تيلمع،

نتمنى تكون عجباتكم الفكرة

انشري هذا المقال