يا سلام على فوطاتي شحال ناعميييين والسر هو هذا

باش يبقاو الفوطات دياولي رطبين وناعمين من بعد كل تصبين كنضيف لماء التشلال شوية من اي جيل دوش عندي .كيخليهم رطبين منين ينشفو

وكيعطيهم رائحة منعشة.



ماشي ضروري يكون من نوع ممتاز ولا غالي انا كنشري ارخص الانواع لي كتكون ريحتها مزيانة والتمن ما كيتعداش 13 درهم للقرعة ديال 1ليتر.

نفس الفكرة كنعملها للمانطات والملابس السخونة والصوفية. يا سلام كيعطيها نعومة فائقة ورائحة زكية.

جربي هاد الفكرة وشوفي بنفسك النتيجة الرائعة.

او ما تنسايش واحد الحاجة الفوطات ما خاصهمش ينشفو اكتر من اللازم لان الشمس كتيبس ديك الالياف او كتخليهم يوليو حرشين.




قد يعجبك ايضا
اترك تعليقا