هذا ما نشرته الممثلة أمل صقر عن الزواج و هذه صورة من زفافها

أمل صقر الممثلة المعروفة صاحبة الصوت العذب الذي عرفه المغاربة عبر الشاشة و على أثير الاذاعة نشرت صورة زواجها لأول مرة على حسابها الخاص و هذا ما قالته معلقة على الصورة:

الزواج ماشي هو تلبسي كسوة بيضة و تحني يديك و تنوضي الموسم و الحيحة و تصاور و تبدلي سميتك لأميرة زوجي ، ولا زوجي قرة عيني ولا زعتر -_-
الزواج هو تعيشي انت وراجلك عشران ماشي مزوجين غي باش تولدو البجاغط و تربيوهوم و هو يمشي يخدم و انت تبقاي كاطيبي و هو يشوف فيك مجرد وسيلة لإفراغ المكبوتات فلحلال و انت تشوفي فيه مصباح علاء الدين السحري لي يقدر يحقق ليك أي حاجة …
الى ماتزوجتيش شي واحد قاري و مثقف و مخوو عااامر و ضحووكي و احمق و مازال باغي يعيش حياتو معاك ، تحماقو بجوج ، تجلسو فالدار بحال الصحاب و لعشران ، تعاونو فكولشي ، تلعبو ، تضاربو بالما ، تلعبو بلاي ، تخرجو ديرو سبور ، تقراو شي كتاب و تجلسو تناقشوه ، تفرجو فيلم ، دخلو شي مرات للكوزينة بجوج ، طيبو بجوج ، تختارو الحياة لي تناسبكوم بعيدة بزاااف على العالم الخارجي حيت اتكونو عايشين فعالم خاص بيكوم ، ماتكونو تشبهو حتى لشي حد ، و ماتسوقو حتا لشي حد ،
لي دخل لداركوم يحس بديك المودة ، و الحب ، و ديك العلاقة لقوية لي تخلي ناس تقتادي بيكووم ، داك الحب لبسيط لي خالقين سعادة ببساطة ، لي كاتجمع انت وياه على براد أتاي بالنعناع و كوميرة و زويتة بلدية و شوية زيتون و تبقاو تكركرووو و تعاودو و
تخاصمو على آخر زيتونة و تشوفو شكون كلا اكثر من لاخوور .. تولدو شي بنية ولا وليد يعمر عليكوم الدار ، تكبروه بجوج ، تحمقووه يخرج كيشبه فيكووم ، تسهرو معاه بجوج ، تلعبو معاه ، تخرجوه ، تعلميه يقول ماما زوينة و بابا بوعو ،، تحسي براسك ملكتي الدنيا و مابقا خاصك والووو …
يكون ثمرة حب و اختيار شريك حياة ناجح و يكون أعظم أب … الحياة الزوجية فاش كاتلقى شي إنسان لي محتاج يعيش ، محتاج يجرب حوايج جداد مع واحد الإنسانة ، تعوضو على كل حاجة كان محروم iمنها فالماضي ..
الا ماكنتوش غادي تعيشوو هاد الحياة ، بلا ماتزوجوو خليكم هاكا احسن خلي تران يفوتك احسن ماتركبو و تمشيو لشي
وجهة انتونا ماغتحملوهاش و ماباغينهاااااش .😍

14291751_10208913132758335_3474512103255575893_n

 




قد يعجبك ايضا
اترك تعليقا