هذا برنامجي الأسبوعي في تنظيف وترتيب منزلي..استوحي منه أفكارا لك

المبدا هو كل نهار انظفوا ركن من المنزل، طبعا بعدما نكونو ردينا الغدا وجمعنا القنات الاخرين جمعة خفيفة وغسلنا الميعنات،
انا غنحط برنامج يكون قابل للتعديل يلا باتليكم شي حاجة ماشي هي هديك.
غنبداو بالأسبوع اللي بعد روينة ديال التقدية والشهيوات ديال الكوتي.

الاتنين
كنظن يكون غير للصابون بعدما تحممو الوليدات وباهم في الويكاند
الحوايج للمصبنة
السليبات والفوطات ديالنا ديال التواليت باليد بصابون الكف
التقيشرات بمسحوق الصابون العادي
التلاتاء
بيت الجلاس يتحيدو التليمطات يتنفضو مزيان يتقلبو السدادر ونهزو الزربية التنفض نمسحو الشرجم نشيتو مزيان ونردو كلشي نشيتو الزربية بشيتة فازكة ونخليوا الشرجم باش تنشف
ونمسحو اللي خاصو يتمسح تلفزة وماجاورها
ونجفو شي تجفيفة واعرة وندوزو على الدار بالجفاف
الاربعاء
بيوت النعاس يتنفضو غطاوات الناموسيات يتمسحو ليطابل دونوي يتحركو نجفو تحت منهم
نمسحو السراجم وما الى دلك
الخميس
الكوزينة، نمسحو التلاجة مزيان نشوفو شنو خاص يتلاح ونبدلو لالمنيوم لكويزنير ونمسحوها مزيان نخويو البوطاجي ونمسحوه مزيان بجافيل الى اخره

الجمعة منهضروش عليه هاداك خاااااص للكسكس ههه
السبت غنخليوه غير الصالون تدويزة خفيفة هداك نقادوه مزيان مرة في الشهر
الحمام والتواليت كل يوم ندوزو عليهم بجافيل والمعطر
الاحد
تجفيفة الدروج تكون زوينة
وهذا ماكان




قد يعجبك ايضا
اترك تعليقا