ها كيفاش تغسلي الماعن بلا ما يبردو ليك يديك فهاد البرد

هاد البرد القارس كنرفدو الهم لغسيل الماعن حيت الماء كيولي بارد بزاف وفبعض المناطق كيولي متلج. والى بغيت تستعملي الماء سخون راه ميزانية.اما القفازات او الليكات كيجيوني ماشي عمليين.
باش يولي غسيل الماعن متعة كناخد طاسة دميكا كبيرة كنعمل فيها السائل ديال الماعن وكنخوي الماء طايب كنحرك تم كندوز بالشبكة مقدار ديال الماعن تم كنشلل.ونعاود ندوز ماعن اخرين ونشلل ومرة مرة كنزيد الماء طايب فديك الطاسة باش ما يبرد وهاكدا ما كنحسش ابدا ببرودة الماء.والماعن كيخرجو كيشعلو حيت الصابون كيعطي مفعول اقوى مع الماء طايب.
هاد الطريقة ريحاتني بزاف.نتمنى تريحكم حتى نتوما.وما تنساونيش من الدعاء.

انشري هذا المقال