هاذ الطريقة شفتها فصباحيات دوزيم كتزوّل طبعة الغمال فالحين من جميع انواع الملابس

غتعملي عجين البيكاربونات الصودا مع ماء
بحال عجين مسحوق التيد

وتعملي العجين على الطبعة ديال الغمال
وتظيفي الى العجين اللي فوق الطبعة تظيفي اليها
قطرات من الخل الابيض

وتبداي
تدوريها فيه بشكل دائري
وشوية غدي تشوفي البيكاربونات
بدا كيخضار ويرفع الغملة اللي قالملابس الملونة.

ثم

تنقلي الملابس لبانيو به ماء
وتفركي بصابون الحجرة

 

اما الملابس البيضاء
تاخذي الآمونياك مع شوية ماء

الكمية ديال الامونياك = الماء

وتاخذي منديل وتغطسيه فالخليط
وتنظفي الطبعة ديال الغمال بشكل دائري

والى ما عندكش الآمونياك

تاخذي جافيل مع قطرات من الخل
قالت ان الخل يزيد جافيل تركيزا وقوة
وبالتالي كيرفع نقط الغمال السوداء
اللي كتبقى لاصقة

وتفركي بيه مكان الطبعة
وتنقلي الملابس لبانيو به ماء
وتفركي بصابون الحجرة

 

فقط معلومة مهمة اشارت اليها
وهي عدم استعمال الآمونياك
في الملابس الملونة
لانه كيكشّفها

الامونياك
مادة قوية الرائحة
ومضرة بالعيون وكتباع
فقط عند الدروكري ب 20 درهم

التجربة عملاتها
” هدى جنان ”
قدام عدسات الكاميرا

حقا النتائج سحرية

الحمد لله

 




قد يعجبك ايضا
اترك تعليقا