هادي كتصلاح لهادي و حتى حاجة ما تضيع…أفكار سوف تفيدكن كثيرا

موضوعي اليوم عن امور ممكن نصلحوها لامور اخرى
ببساطة يعني نستعملوا الاشياء في غير محلها لكن بنتيجة مريضة و منها الاقتصاد ومنها ماتضيعش الحاجة وتترمى

نعطيكم افكر ونتسنى الافادة منكم كذلك

شيتة السنان
متنرميهاش تانرقدها فجافيل وتانخليها ارى فين نستعملها
تاتليق فتنظيف السمك الكبير تاتحيد الكحولة اللي لداخل بالزربة تايولي تايلمع

تنظيف المواعين شي بلايص متتليق معاها غير شيتة السنان
وكذلك تنظيف الحمام اعزكم الله ولافابو تاتنفعني بزاف

كريم او فازلين منتهي الصلاحية

اي كريم سالات مدة صلاحيته ولا مابقيتش بغيتك تاتلمعي بيه ديكورات وتمسحي من بعد تايخرج تايشعل

الجير
الجير تتطلقيه فالماء وللعلم راه طبيعي مامنه خوف
تانقي بيه كرشة الحولي او الدوارة
بلا ما طايب بلا صداع الراس
تاتديريه فالجهة اللي مزغبة وتخليه جهد 3 دقايق من بعد زولي بكل سهولة وغسلي تاتخرج صفحة بيضا وبدون اضرار جانبية

الخل
الكل تايعرف انه الخل من غير وظيفته الغدائية ممكن نمسحوا ونلمعوا بيه الزاج تايخرج تايشعل

الخبز اليابس
ممكن تكرمليه فالفران و تدقيه ولا تطحنيه وتنسميه بالاعشاب كيف بغيتي وتبقاي تستعمليه بدل الشابلور الجاهزة

ايلا عجبكم الموضوع عندي بزاف باقي ديال الافكار اللي تنفعكم ان شاء الله

عدت اخوتي بافكار جديد ومفيدة واقتصادية

مشروب القهوة لمسح الدان
الاحذية اعزكم الله ديال الدان متيصلاحش معاها سيراج وخصوصا اللي لونها بني
ماعليك غير تمسحيها بمشروب القهوة تاتخرج تاتشعل وبحال لو هي باقية جديدة

زيت القلي للطياب ديال البيبي
قليتي البطاطا فزيت جديد
مللي تسالي صفيها وخليها فقريعة ويلا عندك بيبي تايطيب ليك دهني بديك زويتة دقة بطلة للطياب وراني مجرباها شخصيا ما منها خوف

قليتي الحوت وبقات ليك ريحة القليان فالدار و اكيد هي غير محبوبة
خودي كسرول فيها ماء رمي فيها اوراق نعناع وخزامة و نص حامضة وخليها تطبخ
تاتعطي ريحة فنة تتعطر البيت وتقضي على ريحة السمك

إقرأ أيضا  استعمالات غريبة لمزيل العرق لم تخطر على بالك

بقايا الصابون ماتترماش
مللي تانستعمل صابون الحجرة اكيد تايبقاوا ديك البقايا دوبيهم فالما وجمعيهم فبواط خليهم لتصبين المنيدلات ولا طبايع اللي متيبغيوش يخرجوا دهنيهم بالصابون وخليهم شوية فالشمش ورجعي فركي تايزول بسهولة

كيك بالخبز
شاط ليك خبز الزنقة وبرد
خوديه قطعيه طريفات و فزكيه بالحليب وزيدي عليه مقادير الكيك و ديريه بلاصة الدقيق
طيبيه عااادي تاتجي كيك رااائع وهادي تجربة صديقتي الله يذكرها بالخير تتقول كيك الخبز ههههه

خبز الدار تاهو مايتلاحش حرام

بقاي تكرضيه طريفات وخليه فالفريكو
ايام البرد تايجي تريد غزال مع مرق التوم والفول و البصل
ولا بالخضر طياب كسكس و تايتسقي ديك الخبز تايجي شهوة منه

فالصيف بغيتي تتفنني للضياف و توجدي عصير
صنعي دي كلاصون ولا مكعبات الثلج بطريقة رائعة وانيقة
غلي الما وزيدي فيه نقيطات الحامض …باش ولو يجمد تايبقى صااافي
شدي حاوية مكعبات الثلج و ديري فكل مربع طرف من فاكهة بحال كيوي و لا حبة توت او حب ملوك و لا ورود صغيرة
وكبي الما ودخليها تجمد
تاتجي راااائعة فالمنظر

مشاوا ليك نظيظرات وبقا ليك الحك ديالهم هههه اكيد مالايق لوالو
لا اختي صلحيه بانك تغلفيه بثوب زوين و بقاي تعملي فيه الازرار ولا الخيط و الابرة ولا حتى مجوهراتك تايجي زوين فالمنظر

تتحيري فيت تحطي الاحذية اعزك الله خصوصا مع وجود الوليدات

فكرة ممتازة شري دوك علاقات الطوال و علقيها فالمكان المخصص وبقاي تعلقي فيها وديري ولو وحدة فوق وحدة مهم هاهما مجموعين ومرتبين

 

 

انشري هذا المقال