نصائح مهمة على كل فتاة معرفتها للإعتناء بالمنطقة الحساسة…لا تهمليها

علاش اسمها المنطقة الحساسة …حيت فعلا حساسة و عرضة للبكتيريا و الجراثيم اللي تقدر تسببلك التهابات و امراض الله يحفظ … كنتي بنت او مزوجة خاصك تعتاني بديك المنطقة ماشي حتى يقرب عرسك عاد تنوضي كيفاش نبيض كيفاش نرطب كيفاش و كيفاش،؟؟!! نوو النظافة ديالها خاصها تكون روتين يومي عندك بحال الماكلة و النعاس … اوا الالة اجي نقولك شنو خاصك ديري
_اول حاجة الملابس الداخلية خودي ديال القطن و بعدي على نيلو
_الشعر الزاائد حيديه كيجمع غير الميكروبات (لاسيغ غير صحية لديك المنطقة) كتبقى الغازواغ افضل طريقة
_باش ما ينوضش ليك الحبوب و الحكة وراء الغازاج ما ديريش الصابون و الرغوة خودي زيت جونسون او اي زيت دهني بيه و عاد ديري الغازواغ ..
_ماشي ضروري كل مرة غسلتي تستعملي الصابون هاكا كتقتلي دوك البكتيريا الطبيعية اللي كيحميو ديك المنطقة …يكفي ماء دافئ و الفرك
_ ما تغسليش بصابون ديال الريحة…خودي جيل انتيم من الفارماسي او صابونة الطاووس او الحجرة
_ الملابس الداخلية كيف تبدليهم صبنيهم بصابون الحجرة من الافضل و يتنشرو فالشمس مباشرة
_ الا ما بغيتيش تبدلي الملابس الداخلية كل مرة خودي فوطات صحية كيتباعو او خودي شي فوطة و قطعيها قطع صغيرة و استعمليها و كل مرة بدلتيها صبنيها و نشريها
#للتبيض

_ اولا ضروري تنشفي مزياااان بعد كل مرة دخلتي للطواليت
_ بيافين و الحامض
_ فالليل غادي تغسلي مزياان و نشفي من بعد دهني بعصير الحامض خليه شوية و رشي النشا بحال البودر بقاي شوية عاد لبسي حوايجك و فالصباح غسلي مزيان و نشفي و دهني باي زيت عندك و من الافضل زيت الحامض
#فترة_الحيض:
_الفوطة بدليها كل تلات او اربع ساعات على حسب .. و كل مرة بدلتي نظفي حالتك و بدلي حتى الملابس الداخلية ..
_ و متكلسوش فالبرودة و اتكونو عرضة للبرد …لبسو مزياان و الظهر يتغطى
#الافرازات_المهبلية:
عييتي من الافرازات و الحكة و بعض المرات حتى الريحة كتكون مجهدة
عندي ليك الحل :
اتاخدي الالة حفنة ديال #الخزامى ديريها فكاسرونة و زيدي عليها لتر ديال الماء خليها تغلي واحد خمسة دقايق و صفيها و ديريها فقرعة
اتاخدي كاس قبل الفطور و قبل الغذاء و قبل العشاء لمدة تلات ايام و داك الكاس ديال الخزامة ا تزيدي فيه عصير بصلة (بصلة حكيها و داك الماء ديالها زيديه مع كاس الخزامى) كنظن وااضح …راه وصفة فعاالة
_ خودي حفنة ديال الخزامى و غليها مع لتر و نص ديال ماء و صفيها و خليها فقرعة كل مرة دخلتي للطواليت توضاي منها
#ريحة_زووييينة
باش تبقى ريحتك زوينة طوول الوقت …اتاخدي الالة اي كريم كيعجبك او فازلين و تزيدي عليه روح ديال اي ريحة كتعجبك او زيت مركزة ديال الحامض او الورد او اي ريحة كتعجبكم و تخلطوها مع الكريم او الفازلين و تخليوها فبوطاة ..دهني بيها بين فخادك و وراء ودنيك و فالمعصم ديال يديك و الا بغيتي جسمك كااامل علاش لا




قد يعجبك ايضا
اترك تعليقا