نصائح الدكتور نبيل العياشي عن الفواكه الجافة

نصائح الدكتور نبيل العياشي عن الفواكه الجافة

الفواكه الجافة

يراد بالفواكه الجافة : اللوز ، التمر ، الشريحة ، البيسطاش ، الكركاع ، الزبيب …الخ ، الفواكه الجافة اذن هي غنية بالدهنيات المشبعة و بالبروتينات النباتية والبوتاسيوم ، و الفوسفور ، هي مواد تساعد على التخلص من سموم الجسم ، وهي مدرة للبول ، واستهلاكها مهم جدا في تنشيط الحركة وتنشيط العقل .

الفواكه الجافة ضروري التناول ديالا على مدار العام وبشكل يومي ، نظرا لأهميتها وفائدتها الكبيرة لصحة الجسم و الفكر و البدن .
نصائح الدكتور نبيل العياشي عن الفواكه الجافة

نصائح وتحذيرات :

يجب الابتعاد عن كل الفواكه المجففة بطريقة كيماوية واعتماد الفواكه الجافة الطبيعية .

* البنان من الافضل ناكلوه طازج وطري ونتجنبو هاداك البنان المجفف والاناناس المجفف اللي كيدخل ضمن المبيعات د الفاكية د العاشور .
– اضافة الملح للفواكه الجافة أمر خطير جدا ومضر بالصحة ، لذلك ينصح دائما بتناول هذه الفواكه من غير اضافة ملح لها .
– التمور : نحاولو نعتمدو على التمور المغربية اللي كتباع ف الاسواق وهي متوفرة بشكل كبير ، ونجتنبو تناول التمور المستوردة لأننا نجهل تاريخ انتهاء صلاحيتها .
– مرضى الكلي : ممنوع عليهوم منعا كليا تناول الفواكه الجافة لغناها بمادة البوتاسيوم، التي لها علاقة كبيرة بالكلي فتؤثر عليها بشكل سلبي .هؤلاء المرضى ايلا بغاو ياكلو هاد الفواكه يستشروا مع الطبيب ديالوم أولا .
* الناس اللي عندوم نقص ف مادة الكالسيوم ف الجسم ديالوم ،ما يتناولوشي الحليب و مشتقاته مع الفواكه الجافة ، لأنها كتحبس امتصاص اجسامهم لمادة الكالسيوم ، لذلك لا بد من تناول الفواكه الجافة خارج الوجبات ومن غير ارفاقها مباشرة بالحليب ومشتقاته .
– أصحاب ثلاثي الكليسيريد ، يحاولو ينقصو حتى هوما من الدهنيات ومن تناول الفواكه الجافة .
– مرضى ارتفاع الضغط : ضروري ينتابهو ن المواد المالحة اللي كتكون ف الفواكه الجافة ، ويحاولو يتجنبوها بحال : لوز مملح ، وحمص مملح ، وكاوكاو مملح و….
* هاد الفواكه الجافة الطريقة السليمة لتناولها أنها ما تكونشي مقلية ف الزيت وما تكونشي عاملينلا الملحة ، اما غير ذلك فهو المطلوب لصحة أجسامنا وسلامتها .

الفواكه الجافة و الأطفال :

-نحاولو نربيو وليداتنا الصغار على المأكولات الصحية ، ونبعدوهوم على المأكولات الضارة ، ديك شيبس و بيمو والحلويات اللي كنشريولوم من الزنقة كلا كتسمم ذاتوم ، أحسن حاجة نعطيوهالوم كل صباح هي : كمية من الفواكه الجافة ، وتحديدا تمر وشريحة ، تمر ولوز أو تمر و الكركاع ، لأنهم كيعطيو ذكاء زائد لهم وحيوية ونشاط طول اليوم . كذلك ف العشية مي نحسو الطفل عنده عياء وطاقتو استنفذت ، نعطيوه مع ديك 4 مساءا تمر مع لوز، او تمر مع كركاع فهو مفيد جدا جدا جدا لهم .

كانت هذه اذن ، نصائح وتوجيهات نقلتها لكم عن الدكتور نبيل العياشي ، أخصائي التغذية و الحمية بالمستشفى الجامعي ابن سينا بالرباط .




قد يعجبك ايضا
اترك تعليقا