ملكة جمال المحجبات نسرين الكتاني تضع شكاية للشرطة بسبب تلقيها تهديدا بالقتل

تقدمت المدونة المغربية ملكة جمال المحجبات نسرين الكتاني، بشكاية للنيابة العامة في القنيطرة، بعد تعرضها لحملة تهديدات شرسة على منصات التواصل الإجتماعي.



وكشفت الشابة نسرين الكتاني في تدوينة عبر حائطها الفايسبوكي أنها تعرضت للتهديد بـ “القتل”، من قبل “الذباب الإلكتروني’ على حد قولها،مشيرة أن الهجوم الذي يلاحقها سببه دفاعها الشرس عن قضايا المرأة عبر السوشيل ميديا،وهي محاولة لإسكاتها.
وقالت الكتاني في تدوينتها:” مكنتش گنظن أن الدفاع عن قضية المرأة ممكن يخلق ليك أعداء فابور .
تهديدات من حسابات وهمية باش نسكت و نغبر و صلات ل ( تهديدات بالقتل نعم القتل ) و مازالت لحد الساعة مستمرة من الذباب الإلكتروني لي كيهجم كل مرة كنعطي رأيي فالموضوع أو گنعلق على منشور يصب فنفس الموضوع .”
وتابعت:”الأمر مشا بعيد بزاف خصوصا بعدما علقت مؤخرا على منشور واحد السيد لي عطيت فيه رأيي بخصوص ( الفئة التي تستغل الدين باش يتحرشو بالبنات ) ،تعرضت لهجوم فريد من نوعه ، داكشي ديال الأكشن و sciences fiction ..تقول غير (مافيا كبيرة ) وراء هادشي أو دخلتي الديب ويب …. ( سطاج الوحش نيشان )،من غير محاولات خرق حساباتي لي ملقاو منين يدوزو ليهم .. ٱستعملو أسلوب الشخصنة حتى عياو ملقاو ما يجبدو …ناضو ألفو سيناريوهات خبيثة و وجهو ليا تهم كبييييرة . ردوني ملحدة صحة و صفات أخرى نحشم نكتبهوم ليكم هنا . تاهومني بأنني ممولة من جهة معينة …ما خلاو ما قالو….
ٱستعملو جميع الطرق للضرب فالسمعة”.
وأضافت:”هزو تصاوري لعبو فيهم ، حتى من عنوان سكني جبدوه و كواليس أخرى منقدرش نذكرها دابا !
-واش مگتحشموش ؟ واش معيتوش ؟ أسلوب القمع ، التهديد و التخويف و خطط للتوريط و داكشي لى على بالكم راه ماخدامش أ الإخوان”.

انشري هذا المقال

ستحبين ايضا