مسكوتة بالشكلاط والكراميل محشوة بكريم باتسيير كتجي روووعة

وصفة من صفحة شهيوات سوزي:

مسكوتۃ او كيكۃ بجنواز روعۃ بكريم باتسيير بنكهۃ الكراميل .

الجنواز فيها
4البيضات 3 معالق كبار زيت
3 معالق كبار حليب 3معالق كبار مايزينا
3 معالق كبار كاكاو مر
كاس دقيق 1فاني
كاس سكر (حسب الذوق)
كنضرب البيض مع السكر حتی كيطلع مزيان كنضيف الحليب والزيت كنحط الدقيق والكاكاو والمايزينا فمنخلۃ وكنضيف شويۃ بشويۃ وكنخلط فاتجاه واحد باش متنزلش ليا الجنواز من بعد كندهن المول (المول العجيب)وكنهزها وكنخبطها باش كيخرج الهوا منها عاد كندخلها الفران كنحط فالوسط كريم باتسيير ثم كنزيد طبقۃ الديال الكراميل والتزيين حسب الرغبۃ انا استعملت فرميسال الملونۃ و نجارۃ الشوكولا
بالنسبۃ لاكريم باتسيير
2 اصفر بيض 2 معالق كبار مايزينا
3 معالق كبار سكر( حسب الذوق )
2 دانيط بنكهۃ الكراميل .
كنضرب البيض مع السكر بالضراب اليدوي ثم كنضيف المايزينا وكنخلط مزيان كنسخن الحليب مزيان كنخويه علی الخليط كنخلط كلشي وكنحطو فوف النار يعقاد مع التحريك المتواصل باش يجي كريم رطب وميتحببش كنغطيه ببلاستيك غذائي وكنخليه يبرد فالثلاجۃ حتی كيبرد تماما عاد كنضيف ليه دانيط وكنعمر بيه الحلوی ديالي .

إقرأ أيضا  جربي هاد الغريبة الاقتصادية كتجي معلكة ولذيييذة متشبعيش منها

انشري هذا المقال